Read Thado Chin Labu 92 Bible Online

Labu 92 - Thado Chin bible

Labu 92

¹La, Sabbath nikho-a ding La Vo chungnung pen, namin vahchoi La sah-a, Pakai henga thangvahna peh hi thilpha ahi.

²Jingkah-a nalungset ngailutna, chule janseh-a nakitahna musah dingin,

³Manchah jang som nei toh, tumging leh, selangdah gin ngeija nangma vahchoihi thilpha ahi.

⁴Ajehchu Pakai nangin nathilbolla neikipasah ahin; nakhutsoh thilbolho-a jona la sange.

⁵O Pakai nanatoh ho iti loupia hitam! chule nalunggel ho athuh-in ahi.

⁶Milungsel hon hichu ahethei pouvin, mingolin jong hichu ahethem theipoi.

⁷Migilouho hampa banga ahung kedoh-a, khan gitlou bolho jouse aphat thei tengule, tonsot geija suhmanga umding ahitaove.

⁸Ahinla Pakai, nangma vang tonsotna chungnung pen nahi.

⁹Ajehchu, vo Pakai, namel mate khu vetan, ajehchu ven, namelmate khu mangthah untin, khan gitlou bolho jouse kithecheh diu ahi.

¹⁰Ahinla ka-ki hi sakol kinei banga nachoisang ding; keima thaotwi thah eikinuding ahi.

¹¹Kamit hin kamel mate chunga angaichat chu muntin, chule kanakhang hin keima douna-a kipan khangitlou bolho ngaichat chu ajahding ahi.

¹²Michonpha chu tum phung banga khangtou ding; Lebanon lhanga Cedar thing banga khangtou ding ahiuve.

¹³Pakai in'a kiphut hochu i-Pathen'u hong sunga khangtou diu ahi.

¹⁴Amaho atehgeijuva jong ga jinguva, amaho chu thao uva khang toudiu;

¹⁵Pakai chu chondih ahi avetsah diu, ama chu kasongpi ahin, chule ama-a chun chonphat louna himhim umpoi.