Read Thado Chin Thuhilpa 12 Bible Online

Thuhilpa 12 - Thado Chin bible

Thuhilpa 12

¹Nikho phalouho hunglhun masang, hicheho-a hin thanopna himhim kaneipoi, tia nasei nading kum phalouho ahung nai masangin; tu nakhangdon lai nikho sunghin nasempa geldoh-in.

²Nisa ahin, vah ahin, lha ahin, ahsi ho ahin, athimsoh masang, meilom ho jong gojuh jouva akilekit masang;

³In ngahho kithing thinga ahung um nitengule, mihat ho amaho chama ahung kunlhah diu, sumhei hehhon alhom behseh jeh uva atoh-u angahdiu, chule bangkotna kona khodahho thimdela umdingu,

⁴Chule khopi lamlena kot ho kha-a hung umding, sumhei kiheh gin anemsuh teng, chule mihem khat chu vacha husa-a hung thoudoh ding, chule lathem chanuho jouse suhnema hung umdingu ahi;

⁵Chujongle amahon munsang akichat tengule, kichatna lamtina hung umding, almond thing hung pahdoh ding, khao khopi chu pohgih hung hiding, chule ngaichat hungbei ding ahi. Ijeh inem itile mihemin atonsot in chu ajot ahin, chule lunghemho chu lamlhah ho-a acheleuvin ahi.

⁶Ahiloule dangka khao ahung kilhap, ahiloule sana lheng ahung kisuhkeh masang, twinah phunga bel ahung kisukeh, ahiloule twikhuh phunga twikhai dohna kang ahungbal masangin, nasempa geldoh-in.

⁷Chuteng leivui chu ahina ngai leisetna kile kitding; chule lhagao chu apepa Pathen henga kilekit ding ahi.

⁸Pannabei ho pannabei, ijakai pannabei ahije, tin thuhilpan aseije.

⁹Chule achungchonin, thuhilpa chu miching ahi jeh-in, miho chu hetna anahil nalaijin; henge, aman phatah-in alungin angaiton, aholdoh-in, chule thuchih tamtah asutoh-in ahi.

¹⁰Thuhilpan, santhei thuho, chondihna thu kisunho, thutah ho jengjong anaholdoh-in ahi.

¹¹Miching thusei ho chu thihtul monghem tobang ahin; kelngoi chingpa khatnin apehdoh-a, khoppi lamkaihon akhet detnu thingkil tobang ahi.

¹²Chujongle, kachapa, hicheho-a hin kitil khouvin; lekha tamtah semsem jong achaina aumpon, chule lekha hasim behset jonghi tahsa cholna ahi.

¹³Eihon athu pumpi khumkhana chu ngaiju hite: Pathen gingin, chule athupeh chengse nitsoh keijin; ajehchu hichehi mihem tohding pumpi chu ahi.

¹⁴Ajehchu Pathen'in nakitong jouse chu, thil kiselguh jouse toh, apha hihen ase hijongle, thupi tana-a ahin pohlut ding ahi.