Read Thado Chin Solomon Labu 1 Bible Online

Solomon Labu 1 - Thado Chin bible

Solomon Labu 1

¹ Laho lah-a la, hichehi Solomon la ahi.

²Aman ami chopna akama chun eihinchop hen, ajehchu nangailutna chu lengpitwi sangin atuijon ahi.

³Nangma thaotwi phatah ho namtui jeh-in, na min chu thaotwi hung longdoh abangin; hiche jehchun nungah thenghon nangma nangailu uve.

⁴Neikai jin, keihon nanunga hung lhaijunge; lengpan keima a-indan sung eilhuttai. Keiho nangma-a kakipaova kathanop diu ahin, chule neingailut nao chu lengpitwi sanga kageldoh jingdiu ahi, lungdih tah-in nangma nangailu uvin ahi.

⁵Keima kavome, ahinla vo nangho Jerusalem chanute, keima Cedar ponbuh ho le Solomon pondal hobangin kamellome.

⁶Kavom jehle, nisan eisah jeh-in, neive hih-un; kanu chapateho alung hangun; lengpilei ho eingah sah-un; ahinla keima tah-in lengpilei kangahpoi.

⁷Vo kalhangai, nangman nakelngoi hon hoilaija navah-a, sun teng hoija nagakol sah jiham, neisei peh-in; ipijeh-a nagol ho kelngoihon lah-a mikhat vahlele banga kaum dingham?

⁸Vo numei ho lahlah a melhoipennu, nangman nahetlouva ahile, nakelngoihonho cheche nalama chenlang, chule kelngoi chingpa ponbuho komdunga chun nakelngoi nouho chu vah-in.

⁹Vo kangainu, keiman Pharaoh kangtalai kai sakol honkhat toh nangma kahin tekah-e.

¹⁰Nabeng teni-a kijepna kigolho chu nakilompin, nangonga sana khivuiho chun namel lomsah-e.

¹¹Keihon sana-a kijepna kasem pehdiu, chule akilmatnaho dangka-a kasem dingu ahi.

¹²Lengpa adokhanga atou chun, kathao namtui namchu ahung potdoh-in ahi.

¹³Kangaitah chu keija din myrrh lomkhat ahin, jankhovah-a kanoi teni kah-a lumding ahi.

¹⁴Kangai chu keijadin Engadi lengpilei honsunga ponlou thingphung abilla kehto bang ahi.

¹⁵Kangainu, ven, namel ahoije, ven, namel ahoije, namit teni vakhu mit abange.

¹⁶Kangaipa, ven, namel ahoije; henge, dei-umtah nahi! ijalkhun jong a-eng selin ahi.

¹⁷I-inkam jouse cedar thingjeng ahin, chule i-insung jouse jong chahthing jeng ahi.