Read Thado Chin Solomon Labu 5 Bible Online

Solomon Labu 5 - Thado Chin bible

Solomon Labu 5

¹Kasopinu, kajiholnu, keima kahonsunga kahunglut tan; ka myrrh le ka gimnamtui kakikhol khomtan; kakhoibal le kakhoiju kanetan; kalengpitwi le kabongnoi kadontai. Neovin, vo loile golte; donun, nengtah-in donun, vo kangailut teho.

²Keima kalumin, ahin kalungthim akhangjinge; kangailutpa aw kajai, aman kot akiuvin, kot neihonin, kasopinu, kangailutnu, ka vakhu, keija dia chamkimnu; ajehchu kaluchang daitwijin atomin, kajang sam kisom jong jandaitwi lha-in adimtai.

³Kasangkhol chol kasutlha tai; iti kaki-ah ding hitam? Kakeng kakisop joutai; iti kasuhbohkit ding ham?

⁴Kangaipan kot-hom kah-a akhut ahin lhunglut nin, ama gelnan kalungsung akihot jengin ahi.

⁵Kangaipa kot honpeh dinga kathodoh leh, kakhutna myrrh avalha-in, chule kakhutjung ho-a gimnamtui avalhan, kotkilna chunga chun achu-in ahi.

⁶Kangaipa chu kot kahonpehtan, ahinla kangaipa chu akihei mangin, anachetai. Aman thu aseichun kahinna alhasam jengin ahi. Keiman ama kahol holin, ahinla kamujou dehpoi; keiman ama kakouvin, ahinla eidonbut tapoi.

⁷Khopi sunga vahle khongah hon eimudoh-un, eivouvin, eimavo taove; kulpi ngahhon kaponlukhu eilah mangpeh uvin ahi.

⁸Vo Jerusalem chanute, keiman thu kapeh-u nahi, nanghon kangaipa namu-ule, ama ngaina-a na-a kahitai, tin neinasei peh-un.

⁹Midangin adeipa sanga nangin nadeipa chungnungjo dehham, Vo nangma numei lah-a hoichungnung nu? Midangin adeipa sanga nangin nadeipa chungnungjo dehham, nangman chuto bangtah-a nei gahchah-u chu?

¹⁰Kangaipa chu angou seh-in avouso asan heovin, sangsom lah-a achungnung penin ahi.

¹¹Aluchang jong sana thengset abangin; asamho jong aboh litlet nin, chule va-ah bangin avomsetnin ahi.

¹²Amit teni jong vadung panga uma vakhu mit, bongnoija kisop thenga kitoh chetna kibut abangin ahi.

¹³Abeng teni jong gimnamtui kikholna, pahcha namtuitahho abangin; aneho jong myrrh gimnamtui tah valha le, lily pahcha abange.

¹⁴Akhutteni jong sana khutjem achunga khisong engdum abangin; atahsa jong saiha kisuitoh bangleh khisong duma kilut abange.

¹⁵Akengteni chu songval khompi bangleh sana thengset khom tunna chunga kitung abangin; Amelput chu Lebanon thing bangle cedar thing hoipentah toh abange.

¹⁶Akam jong aphata ngeijin, amachu lamjousea dei aumin ahi. Vo Jerisulem chanute, hichehi kangaipa chu ahi, hichehi kagolpa ahi.