Read Thado Chin Solomon Labu 6 Bible Online

Solomon Labu 6 - Thado Chin bible

Solomon Labu 6

¹Nangaipa chu hoilamma chemanga hitam? Vo nang numei lah lah-a hoichungnung nu, keihon ama kaholhu theina diuvin, nangaipa hoilanga kihei manga ham?

²Kangaipa chu Gimnamtui umna honsunga, aganhonho vah dingle, lily pahho loukhom dingin, ahon sunga achelutnin ahi.

³Keima kangaipa-a kahi, chule kangaipa chu keija ahi; ama lily pah lah-a aganhon avah-in ahi.

⁴Vo kangai Tirzah bangin nangma nahoije, Jerusalem bangin namellomin, ponlap dom galmi honpi bangin tijat na-ume.

⁵Keijakonin namit teni heidoh-in, ajehchu hiho chun eisuboije. Nasam chu Gilead'a kona hungkumlha kel hon abangin ahi.

⁶Nahaho chu kelngoipi hon amul akivojoutil akisil joutil uva ahungpot doh-u toh abangun; amaho asohkop cheh ahiuvin, alah uva nouneilou khatcha aumpoi.

⁷Nadeh pang jong nasamlom lah-a kolbuthei uma abangin ahi.

⁸Lengnu somgup, thaikem somget, chule nungah theng simjoulou aume.

⁹Kavakhu, keija dia chamkim, keija dia khatseh bou ahi; anu-a dia cha changkhat ahin, chule ahingnu deilhenpen ahi. Nungah ho, lengnu ho chule thaikem hon amanu amuvin, nunnomnu atiuvin, chule apahchao vin ahi.

¹⁰Jingkah banga hung vahdoh-a, lhabanga hoi, nisa banga thengset, chule galmi ponlap domhon khat banga tijat umhi, koi numei ahitabep dem?

¹¹Phaicham theiga ho ve dingin, lengpiguiho mumtam ve dingle, kolbuthei ho pahtam ti ve dingin, keima beleilut honsunga kachesuh-in ahi.

¹²Kahetmanlou hellin kahinna-in, Amminadib [1] sakol kangtalai bangin eina semtan ahi.

¹³Hungkilen, hungkilen, vo Shulam nungahnu; keihon nangma kavet theina dingun; hungkilen, hungkilen. Shulam nungah nu-a hi ipi navet dingu ham? Galsatmi hon ni umkhom banga?