Read Thado Chin Solomon Labu 7 Bible Online

Solomon Labu 7 - Thado Chin bible

Solomon Labu 7

¹Vo leng chapa chanu, nakeng teni chu kengkoh naseteng iti hoija hoi hitam! namalbul teni kisuhtona jong sana-a kisem abangin mikhut themtah ho khutsem abange.

²Nalai jong jutuitah lhasam khalouhela dimjing khon bempel abangin; na-oi jong suhlouchang kihuivum lily pah-a kijem abange.

³Na noi teni jong sakhinou ni pengkop, lily pah lah-a lhale abange.

⁴Na-ngong jong saiha insang abangin; namit teni jong Heshbon'a Bath Rabbim kotpiphunga twikul abangin; nanah jong Lebanon insang Damascus lam nga-a abange.

⁵Nachunga naluchang chu Karmel abangin, naluchanga nasamjong ponsandup abangin; Nasam lom phatah chun lengpa soh henin ahenin ahi.

⁶Iti hoija nahoija chule iti dei naum hitam, Vo kangainu, kipana dinga!

⁷Natun jong tumphung bangin asangin, chule nanoi teni jong lengpiga bohthet abang jenge.

⁸Keima tumphung chunga kalingting, abahho gatuh inge, katin: Tun nanoi teni chu lengpiga lomho bangen lang, nanah-a hu hungpot gimnam chu theithup namtui banghen,

⁹Chule nakam chung chu lengpitwi phapen tobang hihen. Lengpitwi chu kangaipa-a dingin tuitah-in alongsuh'in, a-imu pa muh chu nemheu chan achaloh sah-in ahi.

¹⁰Keima kangaipa-a kahin, chule angaichat chu keima-a uma ahi.

¹¹Hungo, kangaipa, loulama chedoh hitin; khoneo ho-a gageh hite.

¹²Jingpi matah-in lengpi hona chehitin; lengpigui mumtam gave hitin, lengpiga mumho pahlha tam gave hitin, chule kolbuthei ho pahtam gavetem hite; chua chu kangailut na kapeh ding nahi.

¹³Kangaipa, Joldei-ai hon jong anam tuitah alhadoh-un, chule ka kelkot phunguva theiga tuitahtah namkim athah le alui nanga dia kakoisa aume.