Read Thado Chin Isaiah 23 Bible Online

Isaiah 23 - Thado Chin bible

Isaiah 23

¹ Tyre pohgih. Nangho Tarshish kongho, pengun! Ajehchu in umlou hel, alutna ding umlouhel ahinadinga hiche chu kisukamhela ahitai. Chittim gama kona hichehi ahenguva hung kiphonga ahi.

²Twikol gama cheng nangho thipchetnin umun, Zidon mi sumkolvei, twikhanglen palgalkai lehon alodimsoh taove.

³Chule twilenho panga Sihor muchi, luipang dunga chang ki-at chu amanu chanding ahin, amanu chu namtin kailhang ahi.

⁴Vo Zidon, jahchan umin; ajehchu twipin thu aseijin, twipi hatna ngeichun naoso natna kathoh khapon, chate jong kahingkhapoi, gollhangho jong kavahdoh khapoi, nungahthengho jong kaseiletsah khapoi, atin ahi.

⁵Egypt thudol thulhut kijabanga chu, Tyre thulhut na chu amaho lungna lhehdiu ahi.

⁶Nangho twikol'a chengte, Tarshish a galkai junlang samun.

⁷Hichehi gollui khanglui nikho-a mi chuham? Akengphangin gamlatah-a chedinga alhohmang ding ahi.

⁸Lallukhuh khuh khopi, chua sumkolvei ho pipuiho jeng hija chua kiveihojong leisetna ja umtejeng hija, hiche Tyre khopi douna gong'a chu koiham?

⁹Janel Pakai chun leisetna kiletsah le ja-umtah ho suhnemna dinga hichehi anagon ahi.

¹⁰Vo Tarshish chanu, vadung khat bangin nagamsung chu jotpaitan, nahatbe nading dang aumtapoi.

¹¹Aman twikhanglen chunga akhut ajah-in, lenggam ho ahotlinge. Pakaiyin chuche sumkolveipa khopi douna kulpidet suhmangna dingin thu apetai.

¹²Chuin aman vo genthei thoh nungah theng, Zidon chanu, nangma nakipajom louhel ding ahi. Kipat inlang, Chittim'a galkaijin, chua jongchu choldona namulouhel ding ahi, ati.

¹³Chaldea gamhi vetan! Assyria miten amaho dinga gamthipma chengho amu kahseuvin hiche mitehi aumtapouve. Amahon insangho leng inpiho asauvin, ahin hichun manthah na-a ahin lhuttai.

¹⁴Nangho Tarshish kong inneiho; pengun, ajehchu nathahatna beihela suhmang ahitai.

¹⁵Chule hiche nikho chule hitiding ahi, lengkhat nikhoho dungjuija Tyre chu kum somsagi suhmila hung umding, kum somsagi kichaitengle noti banga Tyre'in la asahding ahi.

¹⁶Suhmila anaum notinu, nangman selangdah choi jinlang, khopichu velin, nangma geldoh-a naum theina dingin aw nguiheu vin, la tamtah san.

¹⁷Chule kum somsagi akichai joutengle hung hitiding ahi. Pakaiyin Tyre chu vilintin, amanu athalahnu henga hungkile ding, chule leiset chunga vannoi lenggam ho jouseto jong hungchonthanghoi ding ahi.

¹⁸Chule amanu kiveina thilho le athalah chu Pakaiya dinga atheng hiding: hichu kikhol louding, koijong kikoikhom louding ahi; ajehchu kiveina thilho chu Pakai masanga chenghon nengtah-a anehdiu chule sottah aneidiu ponsiljoh hiding ahi.