Read Thado Chin Isaiah 31 Bible Online

Isaiah 31 - Thado Chin bible

Isaiah 31

¹Panpi hola Egypt'a chesuh-a, sakol ho chunga kingaija, sakol kangtalai ho tamjeh-a tahsan; sakol touthemho hatbehseh jeh-a tahsana, Israel mithengpa lam velou, Pakai hollou helho chu, ohe! ada ahiuve.

²Achuti vangin amajong michingtah ahin, thilse hinlhun sah intin, athu ho chu alekou louding: thilsebol insungho douva hung kipana, khanset bolte panpiho chu adoujoh ding ahibouve.

³Tun Egypt mite chu mihem bou ahiuvin, Pathen ahipouve; Asakol-hou jong tahsaphe bou ahin, lhagao ahipouve. Pakaiyin akhut ahinlhandoh tengle mipanpipa chu lhu-a, chule akipanpipa jong lhuding ahin, ania lhukop lhonding ahi.

⁴Ajehchu Pakaiyin aseitai, keipi bahkai chule anou asaneh hon chunga akitumhon banga, kelngoi chingho tamtah adou dinga akikoudoh tengle, a-aw uchu kichadeh pontin, ahusaova jong nemlha deh louding ahi. Chutia chu janel Pakai chu Zion mol le alhang dinga galsatna hung kumlha ding ahi.

⁵Vachate alenlele banga, chutia chu janel Pakaiyin Jerusalem ahonbit ding ahin; ahonbitna ahuhdoh ding; chule akalchuh-a akhehdoh ding ahi.

⁶Israel chaten nasatah-a adoupao heng lama hung kilekit teijuvin.

⁷Ijeh inem itile, hiche nikho chule mitinin nadangka milimhou le nasana milimu chonsetna dinga nakhut tah uva nakisem muchu ahin paimang cheh dingu ahi.

⁸Chutengle Assyria chu chemjam'a louding, mihatpa chemjam jong hilou, minoinung pa chemjam jong hilou chun ama avallhum ding; ahinla ama chemjam'a kona jamdoh-a, akhangdongteu chu suhnohphah-a umding ahiuve.

⁹Chule aman tijatna-a akulpidet akalchuh-a, chule pipuihon ponlap chu akichatdiu ahi, tin Zion'a ameikong uma, Jerusalem'a alhumpi umpa Pakai chun aseije.