Read Thado Chin Isaiah 39 Bible Online

Isaiah 39 - Thado Chin bible

Isaiah 39

¹Hichelai chun Babylon lengpa Baladan chapa Merodach-baladan'in Hezekiah anan adamkit tai, ti thu ajah jeh-in lekhathot tampile thilpeh agahthotnin ahi.

²Chuin Hezekiah'in hicheho chu akipapin, amaho chu athil lu ho in chu avetsah sohkeijin; sana, dangka, gimnamtui mantamho chule agal manchah ho in, chule agou kholna-a umjouse avetsahsoh heltan ahi. A-insung le avaihomna sunga Hezekiah'in avet sahlou khatcha jong aumtapoi.

³Chuin Isaiah themgao chu Hezekiah lengpa henga ahungin, ajah-a, miho hin ipi aseijuva? hoija kona nahenga hunga hiuvam? atin ahi. Chuin Hezekiah'in, amaho gamlatah Babylon gamlampeh-a kona kahenga hunga ahiuve, ati.

⁴Chuin aman, amahon na-insunga ipipi amuvem? ati. Chuin Hezekiah'in adonbutnin, amahon ka-insunga umjouse amuvin, kagou thil lah-a amaho kamusahlou khatchabeh aumpoi, ati.

⁵Chuin Isaiah'in Hezekiah henga, janel Pakaiyin asei thuhi ngaijin.

⁶Vetan, na-insunga umjouse le napu napaten tunigeija akhol khomho jouse Babylon'a akipoh mangna nikho hung lhungding ahi; imacha akikhena umlou helding ahi, Pakaiyin aseije.

⁷ Chule nachate, nanga kona pengdoh dingle nangin nahindingho jong apuimangdiu ahin; chule amahochu Babylon lengpa inpisunga nukiso hiding ahiuve.

⁸Chuin Hezekiah'in Isaiah henga, nangin naseidoh Pakai thuchu aphai, ati. Aman chukalvalin keima hinkho sungin chamnale thudih lenghen, ati.