Read Thado Chin Isaiah 4 Bible Online

Isaiah 4 - Thado Chin bible

Isaiah 4

¹Chule hiche nikho chule numei sagin pasal khat atuh uva, keihon ka-annu kineh uving ting, kaponnu kisil naovinge; eiki housetnao lahmangna dingin namin sehseh neiput sah-un, atidiu ahi.

²Hiche nikho chule Pakaiya kona abah jamdoh chu hoitahle loupitah hiding ahin, chule Israel, ahoidoh hodinga leiset gachu nasatahle hoitah hiding ahi.

³Chule hunghiti ding ahi, Zion'a kadalha-a, Jerusalem'a umdenpa chule Jerusalem'a ahingho lah-a kisunlut chasun geija chu atheng kitiding ahin,

⁴Pakaiyin Zion chanute nen asoplhah-a, chule Jerusalem lailunga patna lhagao thutanlhah nale, lhagao meikonga Jerusalem'a thisan behho chu asopthengsoh ding ahi.

⁵Chule Pakaiyin Zion lhanga chenna jouse chungle, akikhopnahou chunga chun, sunle meilhangle, meikhu janle meikong vahtah asempeh ding ajehchu loupi jouse chunga chu ahongah umding ahi.

⁶Chutengle sun nisatna kona limding le belding khopihuile gellhah a kona hoinading houbuh khat umding ahi.