Read Thado Chin Isaiah 5 Bible Online

Isaiah 5 - Thado Chin bible

Isaiah 5

¹ Tun keima kangailutpa henga alengpilei thudollin kangailut nan la sange. Kangailuttah pan thinglhang leiphalaija lengpilei khat aneije.

²Aman alhou ngimin, chua songho alohdoh in lengpigui phapentah aphutnin, alaitah-a insang khat asan, asunga chun lengpiga chilna khatjong asemin; chule aman hichun lengpi ga hinsepdoh teijinte tin angah jingin; ahin hichun gam lengpi ga ahin sepdoh tai.

³Chule tun, vo Jerusalem'a chenghole, Judah pasal ho keile kalengpilei kah-a thuhi neihin tanpeh temun tia kangeh nahiuve,

⁴kalengpilei dinga bolthei kanabol loulai ipi uma ham? Lengpithei ahung gadohding kingah-a ibolla gam lengpithei ga ahinsepdoh ham?

⁵Chule tun, kalengpi leija kabolding chu hil unge; alingtho kaphetlhah'a, min anehjou ding; asongpal chu kasuhchima, michot pha-a umding ahitai.

⁶Chule keiman agoh a kakoija, lho-ngimlou le lailouva uma; lingle khao hung kehdoh ding ahin; meibol ho jong thu kapeh-a achunguva go ahinjuhsah louhel ding ahi.

⁷Ajehchu janel Pakai lengpilei chu Israel insungle adeitah a aphu Judah mitehi ahiuvin; aman thudih joh aven, ahinla veuvin bolset najoh ahin; chonphatna chu veuvin ka najoh ahitai.

⁸Ohe! ada ahiuve, in le in jopmatho, lou keh bebe ho, mun beihela koiho, leiset lailunga achangseh uva chengding ahiuve.

⁹Janel Pakai chun kanabenga aseitai, atahbeh-in; in tamtah, lentah tahle hoitahtah chu achengding beija kamhel gamding, ahi tin aseije,

¹⁰chule lengpilei ching soma bath khatbou sohding, muchi homer khat kituna ephah khatbou soh ding ahi.

¹¹Ohe! ada ahiuve, Khamnathei dondinga jingkah matah-a thouva, lengpitwi jin achupkah seuva jankhang geija touho.

¹²Amahon selangdah chule semjang, khongcha, kuli, chule lengpitwi jin golnop abollun; ahinla Pakai thilbol lah akhohsah pouvin, akhutna atohdohho jong angaito himhimpouve.

¹³Hijeh chun kamiten hetna aneilou jeh-un sohchangin acheuvin, amija-umteu agilkelun, amipiteu dangchah in adango gamtaove.

¹⁴Hijeh chun, te joulou khopma lenin thikholkhul chu akam akahommin; aloupinahou, amipiteu, akichoisangho, chule athanompa jengjong chuche sunga chu kumsuh diu ahi.

¹⁵Minoinung chu kisonkun ding, mithaneipa jong kisunem ding, mikiletsah te mit jong nguilha ding ahi

¹⁶Ahinla janel Pakai chu thutanlhahna-a choisanga umding ahin, chule Pathen, athenga chu chonphatna-a suhthenga umding ahitai.

¹⁷Chuteng kelngoinou ho chu hamhing lah-a lhaleuvintin, chule mun gohho-a leiphalaiho chu gamdangmin anehdiu ahi.

¹⁸Ohe! ada ahiuve, imacha hilou khaoholla khangitlouna chule kangtalai khaova kiheh chonsetna kaikhomho.

¹⁹Keihon kamutheina diuvin kigansah henlang, anatoh kino hen; chule kahet theina diuvin Israel mithengpa thumopna chu hungnai hen, tia seiho chu!

²⁰Ohe! ada ahiuve, aphalou apha tia, apha aphalou tia; khovah dinga muthim koija, muthim dinga khovah koiji, alhum dinga akha koija, akha dinga alhum koiho.

²¹Ohe! ada ahiuve, ama mitna ching kisa-a, ama mitmu-a lungching kisaho.

²²Ohe! ada ahiuve, lengpitwi donna mihat tah hija, khamnathei donding halna-a thahat tah ho.

²³Chuho chun migilouho kipaman peh them achanun, midihtah dohna chu ama-a konin aladohjiuve.

²⁴Hijeh chun meijin chang ki-atna kung akahvam bangle, meikongin changsi aleumang banga, chutia chu ajungu monlha a, apah-u leivui banga kitungdoh diu ahi. Ajehchu amahon janel Pakai danthupeh apaimangun, Israelte mithengpa thu chu anahsahpouve.

²⁵Hijeh-a chu Pakai lunghan amite douna-a deujah jeng ahi. Amaho douna-a chun akhut alamin adengtan, chule athi longu khopi lamlen laidunga akisat telin ahi. Ajehchu hiche jousehin alunghan naho chu abeidehpon, akhut chu akilamjing nalaije.

²⁶Aman gamlatah-a kona namtin dinga ponlap atahsang ding, kolmonga kona amaho asapkhom tengle amaho gangtah-a hung lhungloi jengdiu ahi.

²⁷Alah uva athacholle akipalhu khatcha umpou vinte; khatcha alulhu, a-ihmu umpontin, akonguva konggah kikang ahiloule akengkoh khao tanna umlou helding ahi.

²⁸Athalmuh-u ahemthet-in, athalpi jouseu kaosan akichoijun, asakol tin houchu meituh song bangjeng, chule asakol kangtalai kanghou chu chimpei kiheh bangding ahi.

²⁹Akitum ginu keipibahkai bang hiding, keipi noute banga kitumdiu; hitia chun kitum muntin, sahing kimat untin, phatecha alhoh manga, koimachan ahuhdoh louding ahi.

³⁰Hiche nikho chule amaho twikhanglen kitumgin banga amaho douna-a kitumdiu ahi. Khatouvin hiche gamchu gahvele, veuvin muthimle lung hesohna, khovah chu van'a muthimin ahin lekhuding ahi.