Read Thado Chin Isaiah 50 Bible Online

Isaiah 50 - Thado Chin bible

Isaiah 50

¹Pakaiyin hitin, ati, nanu kadana lekha chu hoija umtam? ahiloule kalei-bapa koipen koma kajohdoh nahiuvem, veuvin nakhangitlou jeh uva nanghole naho nakijoh uva, chule nasuhkhelnao jeh-a nanu kida ahi.

²Ipijeh-a kahunga chu pasal khatcha naum lou uham? Kakouva chu eihouding khatcha umlou ham? Kakhut hin mi ahuhdoh lelhel nadinga kisuchoma ham? veuvin, twipi kaphoh-in agohelin, vadungho chu gamthip kasosah-in, anga'u hochu twi beijeh-in a-uijin, dang chah-in athiuvin ahi.

³Keiman vanho avomin kajemin, akhunaovin khaodip pon kaseme.

⁴Athachol ho chu aphatcha thukhat seipehje kahetnadin Pakai Pathen'in seithemna lei eipen; jingseh-in eisukhangin mithem banga ngainadin kakol avansah-e.

⁵Pakai Pathen'in kakol eihonpeh in, kahuhelpon, kakinung heikit tahih helle.

⁶Katungtun mivoho kadopeh-in, sambot ho kabengteni kadopeh-in, jachatnale chil setkhuma konin kamai kaselpoi.

⁷Ajehchu Pakai Pathen'in eipanpin tin, hijeh chun kisudong ponge. Hijeh chun kamaihi meituh song bangin kadon, jachatna kato louding chu kahei.

⁸Them eichan sahpan einaije, koiham eikinelpi dinga? Eiho dingkhomu hite; koiham eikidoupia chu? kahenga hungnai hen.

⁹Vetan, Pakai Pathen'in eipanpi ding ahin; themmo eichan dinga amachu koiham? Veovin, amaho abonuva pon banga chuldiu ahin, ngetnin aneh chaidiu ahi.

¹⁰Nalah uva Pakai ginga alhachapa thusei jopma, muthima vahlea, vah himhim neilouva chu koiham? Pakai minchu tahsan henlang, a-Pathen chunga kingaihen.

¹¹Meisel de-a meisia kiumkim vel nangho jouse; nameivah-ule nameisel detnu mei sipahlah-a chun vahleuvin. Hichehi kakhutna namudingu chu ahin, lungkham tah a nalup dingu ahi.