Read Thado Chin Isaiah 52 Bible Online

Isaiah 52 - Thado Chin bible

Isaiah 52

¹ Khangin, khangin, vo Zion nathahatnin kivonin; Vo Jerusalem, khopitheng navon hoijin kivonin; ajehchu tua pat cheptanloule aboh nasunga lutlou hel ding ahitai.

²Vo Jerusalem, leivuija konin kithing ngimin, thoudoh-in lang, toulhan. Vo sohchang Zion chanu, nangonga nakihenna khaoho-a konin kisut lhamin.

³Ajehchu Pakaiyin hitin ati, ima hilouhel dinga kijoh nahiuvin, sumbeija kilhatdoh ding nahiuve, ati.

⁴Ajehchu Pakai Pathen'in hitin ati, masangin kamite Egypt'a khopemdin anachesuh uvin; ajeh beijin Assyria ten abol gentheijun ahi.

⁵ Hijeh chun tun Pakaiyin aseitai, hikoma hi keiman ipi kanei tah-em? Kamitela ima hilouhelin apuimang taovin, achunguva vaipoten la apensahsah uvin, chule ka min jong niseh-in tanglouhelin ataitom jinguve, tin Pakaiyin aseije.

⁶Hijeh chun kamiten keima min heovintin; hicheni chule amahon thuseipa chu keima kahi hetaovinte; veuvin keima kahi, ati.

⁷ Molsang chungho-a kipana thupha pole pa kengphang chu iti hoi hitam? chamna thu phongle; thupha-a kipana thupha pole-a, huhhingna thu phonglea, Zion henga, na Pathen alengchang tai, tia seilepa chu!

⁸Khopi ngahhon aw sangtah-a asapdohdiu ahi: thakhat tah-a penga la asahdiu ahi; ajehchu Pakaiyin Zion ahinpuikit tengle amitcheh uva akimudiu ahi.

⁹Jerusalem mun kamhelsa ho thanomun lang, kipa la sakhom un, ajehchu Pakaiyin amite alhamonin Jerusalem alhatdohtai.

¹⁰Pakaiyin abantheng chu namtin jouse mitmun agohkeo ahisah-in; chule leiset kolmong jousen i-Pathen nu mihuhhing na amudiu ahi.

¹¹ Potdoh-un, potdoh-un, hiche-a konin chedoh-un lang, thilboh tongkha hih-un; alah-a konin potdoh-un, Pakai manchah ho choija nangho kisuthengun.

¹²Ajehchu kintah-a, napotdoh loudiu, jamtho-a jong nache louheldiu, ajehchu Pakai nama sang uva chentin; Israel Pathen'in nanungu adelding ahi.

¹³Vetan, kasohpan chingthei tah-in bolintin, ama choi-at le choisanga uma, sangtah-a umding ahi.

¹⁴Mitam tah-in adatmou bangin, amaiso mihem dang jouse-a sangin ase-in, chule apendan amelput mihem chapate ngaija sangin suhmelsetnin aumin ahi.

¹⁵ Chutia chu aman namtin vaipi tamtah athe khuma; ama chungchanga leng hon akamu akisip dingu ahi. Ajehchu akihil khahlouhelu amuva, ajahkhah louhelu jong agelthem dingu ahi.