Read Thado Chin Jeremiah 12 Bible Online

Jeremiah 12 - Thado Chin bible

Jeremiah 12

¹Nahenga kaphun teng jongle vo Pakai, nangma chonphatah nahin, hijongle nathutan dol neiseisah tadin, ipi dinga migiloute lamlhah lolhinga? hatah'a kitahlouhon nom asahsoh keiju ham?

²Nangma phu ahiuvin, henge, ajungkho gam taove, akeh-un, henge, ga asodoh taove. Amahoto naichan naumin, alung giluva konin nagamlan ahi.

³Ahinla Vo Pakai keima neihetan, neimutan, chule nangma lama kalung napatep ahitai. Amaho chu tha dinga kigo kelngoi bangin kaidoh'in lang, athana ding nikho gotpeh tan.

⁴Chua chengho gitlouna jeh-a gamsung chu itihchan lunghema loujao tina hampaho golha dingham? Aman kaki chainao amulou ding ahi ati jeh-un, gamsahole vachate amangthah gamtaove.

⁵Nangma kenga lhai miho toh nalhaikhoma amahon nachol sah-u leh, sakolto iti naki lhaitet thei ding ham? Nangman natahsan, Chamna gama bon amahon nachol sah-u leh, achutile Jordan kinonga chun iti tan natem?

⁶Ajehchu nasopihole napa insung mite tah-in jong, kitahloutah-in nabol uve; henge, amahon nanungsanga mipi akouvuve. Amahon nahenga thungei tah seijongleu tahsan hih-in.

⁷Ka-inle kagoulo kadalhatai, kahinna ka-itchah kangaitah chu amanu melmate khutna kapedohtai.

⁸Kei dinga kagoulo chu gammang sunga keipi tobang ahin, keima dounan apengdoh-in, hijeh-a chu kahot ahi.

⁹Kagoulohi vacha pol litlet tobang ahin, akimvela um vachaten ama adouvun ahi, hunguvin, gama gamsa jouse hung kikhomun lang anegamdin hungtauvin.

¹⁰Kelngoiching tamtah-in kalengpilei asumangun, kachan achotphauvin, kachan deitah chu gamthip gohkeo asosah taove.

¹¹Amahon hiche akamhel sah-un, hichu kahenga alunghemin, agam pumpi agohkeo asotaove, ahinla koimachan anahsah poi.

¹²Gamthip lhonlhung munsang jouse-a thilsuseho ahunglhung taove. Gammong langkhatna pat gammong langkhat gei Pakai chemjamin bahgam intin, mi koimachan chamna aneilou ding ahi.

¹³Amahon suhlouchang atheuvin, hijongle lingho bou a-atdiu, amahole amaho akisucholun, ahinla phachom ponte, Pakai lungsat nasatah jeh-a chu, nalhosoh-u ajachatpi diu ahi.

¹⁴Kami Israelte losah dinga kagotsa gou tongkha-a, ka-inheng gilouho jouse douna-in Pakai chun hitin aseije, vetan, keiman agamuva konle Judah insung mite lah-a kona kalolhah ding ahiuve.

¹⁵Chule hung hiti ding ahi, amaho kalolhah joutengle kahung kile-a, amaho kalungsetna, amitakip agoulo nale agamcheh-a kalepui ding ahi.

¹⁶Chule hiti ding ahi, Baal henga kamite kihahselje ahil banguva, ahingjinga Pakai kamina, kihahselna dinga kamite chondan gunchu tah-a akijiluva ahile, chuteng amaho kamite lah-a kisadoh ding ahiuve.

¹⁷Ahinla amahon kathu angailou vangule, hiche nam mite chu kabodoh-a, kasuh manghel ding ahi, tin Pakaiyin aseije.