Read Thado Chin Jeremiah 15 Bible Online

Jeremiah 15 - Thado Chin bible

Jeremiah 15

¹Chuphatnin Pakaiyin kahenga, Mosi le Samuel ka-anga dinglhon jongle kalunghi hiche mite lama umthei ponte. Kamitmu-a konin paidoh-un lang chemang taohen, ati.

²Chule hung hiti ding ahi, amahon nahenga hoilama ipotdoh diuham? atiuva ahile, nangman amaho chu naseipeh ding ahi, Pakaiyin hitin aseije, athidingho chu thina-a, chemjam'a loudingho chu chemjam'a, kelhah-a thiding hochu kelhah-a, sohchang dingho chu sohchan na-a,

³Chule achunguva thil jatli, athana diu chemjam, abottel diu uichate, abahgam diule asumang dingu chungleng vachate le gamsaho chu kasol ding ahi, tin Pakaiyin aseije.

⁴ Chule keiman Judah leng Hezekiah chapa Manasseh in Jerusalem'a athilbol jeh-a, leiset lenggam jouse-a amaho kachao lesah ding ahi.

⁵Ajehchu Vo Jerusalem, koijin nangma nakhotoa, koijin nalhasetpi-a, ahiloule iti nahi hitam tia dongle dinga koi chedohle dingham?

⁶Pakai chun, nangin neidalhan, nanung chontai, hijeh-a chu nachunga kakhut kajah-a, kasuhmang ding nahi, kakitimtim jong kakhoptai.

⁷Amahohi gamsung kotpiho-a changjapmin japming ting, achonnau akhel loujeh uva, chate-a kona kakhena, kamite kasuhmang ding ahi.

⁸Twipi lah-a neldi sanga tamin ameithaihou apungin, sunchang laijin gollhangho nute chunga misumang kapuilut khumin, chucheho leh khopi chunga chun photlotnin tijatna kachuhsah jin ahi.

⁹Cha sagi hingnun, alhagao alhan, sun ahipetnin nisa alhumin, ajah achan akisudongtai. Amoh umnalai ho chu amelmateu chemjam'a kapehdoh ding ahi, tin Pakaiyin aseije.

¹⁰Leiset pumpi-a kinahnale kikalsetna-a neina hinhi, Ohe heno, kadatave! sumthoila kalha khapon, minjongla sumthoi eilahsah khapon, ahinla amitakipmin eigaosap uve.

¹¹Pakaiyin, tahbeh-a nunga naphatna ding hintin, tahbeh-a melmaten phat hahsat laile genthei laija nabolphatna diu ahi, ati.

¹²Thih-in sahlam thihle thihtah chu asuhboh dingham?

¹³Nachonsetna jouse jeh-a, naneile nagouho, nagam pumpi sung jouse geija, gallaija thil kichom khom banga manbeija kapehdoh ding ahi.

¹⁴Nahetlou gama namelmate toh kachesah ding nahi, ajehchu kalunghana mei akongin, hichun nakahvam ding ahi.

¹⁵Vo Pakai nangin nahenai, neigel doh-in lang neivilin, eibolgimho phu neilahpeh-in, nathahatna-a neipuimang hih-in, nangma jala houset kato neihet peh-in.

¹⁶Nathu kamun, keiman kanetai, nathu chu keidin kipanale lungsung thanopna ahi. Ajehchu vo janel Pakai Pathen, keima namina kikou kahi.

¹⁷Minelpehho kikhopna-a katoupon, pahjong kakipah poi; nakhut jeh-in kachangin katouve, ajehchu nalung hilouna-in neina dipsettan ahi.

¹⁸Ibola kanat kumkho sotna, katina damthei louva damding nomlou ham? Nangma kei dinga mijoule akangthei twi tobang nahi ding hitam?

¹⁹Hijeh chun Pakaiyin hitin aseije, nahung kile-a ahileh keiman puikit ningting, kamasanga nadin ding ahi. Thilse-a kona thil lutah nasodoh-a ahile, kakam sung bang ding nahi. Amaho nahenga hungkileu hen, nangvang amaho henga kile hih-in.

²⁰Chule keiman nangma hiche mite dinga sum-eng kulbang kigena kasema, amahon nakisatpi diu ahi. Ajehchu keima nahuhhing dingle nahuhdoh dinga um kahi, tin Pakaiyin aseije.

²¹Chule keiman migiloute khutna kona kahuh doh-a, tijat umtahho khutna kona kalhatdoh ding nahi.