Read Thado Chin Jeremiah 18 Bible Online

Jeremiah 18 - Thado Chin bible

Jeremiah 18

¹Pakaiya kona Jeremiah henga thu hung lhung chun hitin aseije,

²kipat in, beldengpa ina chesuh-in, hikoma chu kathu kajahsah ding nahi, ati.

³Chuin beldengpa ina kachesuhle, vetan, aman bel dena akang kikola chun na anatonge.

⁴Chuin bonngana abelden chu beldengpa khutna chun asedentan, hitichun beldengpan den dinga aphatsah bangin, belchom khatnin adengtai.

⁵Chujouvin Pakai thu chu kahenga ahung lhungin aseije,

⁶Vo Israel insung, beldengpa banga kabolmo nahiu vem? tin Pakaiyin aseije. Veuvin, beldengpa khutna bonngan banga khu kakhutna um nahilouvu ham? Vo Israel insung.

⁷Itih phat hama namkhat ham ahiloule lenggam khat ham chungchanga, bodoh ding, suhlhuh ding, suhmang ding tia kaseija,

⁸adouna-a kana seisa, chuche nam chu asetnaova kona akisih uva ahile, achunguva thilse bolding kagotsa-a kona kalung kakhelkit ding ahi.

⁹Itih phat hama namkhat ham ahiloule lenggam khat ham chungchanga semdoh dingle phudet dinga kaseina ding techun,

¹⁰kamitmu-a thilse aboluva, kathu angailou-ule, phatchom sah-u vinge kana tisa, thilpha-a kona chu kalung kisihkit jengding ahi.

¹¹Hijeh chun tun, Judah mitele Jerusalem'a chengteho henga Pakai jin hitin aseije, veuvin, nangho dounan thilse kagongin, nangho dounan thil gilou kagonge. Tuhin mitin nakhangitlou naova konin hung kileuvin lang, nachonnaole nathil bolu aphacheh hisah-un, ati.

¹²Chuin amahon, kinepna aumpoi, kalung gotnu bang chehle mitin ama lung gilou ngaito bang cheh-a kachonjoh dingu bou ahi atiuve.

¹³Hijeh chun Pakaiyin hitin aseije, tun nanghon Pathen helouho lah-a dong temun, hitobang chu kon ajah khah em? Israel nungah theng chun thil tijat umtah khat aboltai.

¹⁴Loujao songpi-a kona Lebanon buhbang hunglong chu, min dalhantin, twidap jenjen munchoma kona hunglong chu kidalhan tem?

¹⁵Ajehchu kamiten eisumilun, pannabei jin gimnamtui ahalun, chule keng lampiho-a chena din, lamluiho-a konin apetnun alampi houva akipalun ahi.

¹⁶Agamu kamhelna dingle, a-itih-a leihit khongleu dingin asemun, ajotpa chanchu king vutna alu apei ding ahi.

¹⁷Melma masanga solam hui thecheh banga amaho kathecheh uva, ahamset niule ang-ngat louva kanungsun ding ahi.

¹⁸Chuin amahon, hungun, Jeremiah dounan thilgon khat gong-u hite, ajehchu thempu-a kona danthupeh chu manglou ding ahin, miching ho-a kona thumop, themgaova kona jong thu beilou ding ahi. Hungun kamsungin ama vouhitin, athu khatcha ngaipou hite, atiuve.

¹⁹Neikhoh sah-in, Vo Pakai, eikinahpiho ogin khu ngaitemin.

²⁰Ase chu aphan kilethuh intem? Ajehchu amahon kei thana dingin ko alaitauve. Amaho-a kona nalunghana nalahdohna dinga, amaho dinga thupha kisei chu geldoh-in.

²¹Hijeh chun achate chu kellhah na-a pedoh-in lang, athisanu chemjam hatna-a bunglha tan, chule ajiteu chu meithai soh uhen, apasalteu thisah inlang, agollhanghou gala chemjamin lousah-in.

²²Photlot louva achunguva galmihon napuilut tengle, a-inhouva jong kana kijahen, ajehchu kei thana din ko alaijun, kakeng o-nadin thang akamuve.

²³Ahijengvangin Pakai kei thana dinga kachunga akihousomu nangin nahenai, akhangit lounao ngaidam hih-in lang, achonsetnao jong namitmu-a konin noimang hih-in. Namasang-ah gal lelsahjon lang, nalunghan tengle hitichun bolin.