Read Thado Chin Jeremiah 19 Bible Online

Jeremiah 19 - Thado Chin bible

Jeremiah 19

¹Pakaiyin hitin aseije, chenlang beldengpa lei halkhat galanlang, miho lah-a tehse ho le thempu luiho gapuijin.

² Solam kotpi lutna-a Hinnom chapa phaicham lama potdoh-in lang, kaseipeh ding thuho chu gaphong jal-in.

³Chule Vo Judah lengte le Jerusalem'a cheng nanghon, Pakai thu chu ngaijuvin, janel Pakai Israel Pathen'in hitin aseije, vetan, hiche mun chungahi thilse kalhunsah-a, ajachan akolu thah tuntun ding ahi, tin seijin;

⁴Ajehchu amahon eidalhaovin, hiche munhi ahotbolun, asunga chun amahole apateu chule Judah lengten anahetkhah louvu pathen dangho din gimnamtui ahalun, hiche munhi setna neilouho thisan adiptauve.

⁵ Amahon kei thupeh loule kei seilou, kalunga jong lutkhalou Baal henga govam thilpeh nadingle, achateu meija gona dingin Baal munsang ho jong asemun,

⁶hijeh chun vetan, hiche munhi Tophet, ahiloule Hinnom chate phaicham kiti talouva kithana phaicham joh kitina ding nikhoho hunglhung ding ahi, tin Pakaiyin aseije.

⁷Chule keiman hikoma Judah le Jerusalem kithumopna moh kahisah-a, amelmateu masangle ahinnao holte khutna chemjam'a kalousah-a, alongu chu chunga vachate le leija ganhingho anneh hiding ahi.

⁸Keiman hiche khopiho akamhel le leihit khongleuva kasema, hiche suhgamnaho jouse jeh-a chu ajotpa chan king vutna chesa diu ahi.

⁹Chule achapateu sa leh achanuteu sa kanehsah-a, khopi kiumkim vel sunga mitinin agolpa sa aneh uva, hikoma chu amelmateule ahinnao holten ano chinto diu ahi.

¹⁰Chutengle nangman nalhonpi ho mitmu-a hai chu nasuhkeh ding ahi.

¹¹Chule ajah uva, janel Pakaiyin hitihin aseije, min beldengpa bel bitkit theilou dinga asuhkeh tobang ngeija hiche mitele khopihi kivuina ding abeihel kahse-a kasuhsetna Topheth'a kivui ding ahiuve, nati ding ahi.

¹²Hiti achu hiche khopile asunga chengho chunga kabola, Tophet khopi kabahsah ding ahi, tin Pakaiyin aseije.

¹³Amahon inho jouse chunga van janelpi houna-a gimnamtui ahal uva, pathen dangho henga don thilpeh asunlhah jeh uvin Jerusalem inhole Judah lengte inho chu Tophet mun banga kisuboh ding ahitai, ati.

¹⁴Chuphatnin Topheth'a konin Jeremiah chu Pakaiyin gaochanga asolna lama chun ahungin, Pakai inhong sunga chun adingin, mijouse henga aseitai.

¹⁵Israelte Pathen'in hitin aseije, amahon kathusei ngailouna dinga angongu avaiput jeh-un, veuvin, hiche khopile akhopi jouse adouna-a kaseisa thilse jouse chu kalhunsah ding ahi, ati.