Read Thado Chin Jeremiah 34 Bible Online

Jeremiah 34 - Thado Chin bible

Jeremiah 34

¹ Pakaiya kona Jeremiah henga thu hunglhung chu, Babylon lengpa Nebuchadnezzar le asepaite jouse alengvai pohna leiset lenggam jousele amijousen, Jerusalem le khopiho jouse chu asatnun, aseijui.

²Pakai, Israel Pathen'in hitin aseije, Judah lengpa Zedekiah henga chenlang hitin gaseijin, vetan, hiche khopihi Babylon lengpa khutna kapeh ding, aman meija ahallhah ding ahi, tin Pakaiyin aseije gatin ati.

³Chule nangma akhutna kona nahoidoh louhel ding, nakiman na, ama khutna kipedoh ding nahi, namitnin Babylon lengpa mit chu avetna, aman akamtah-a nakihoupi ding, chule Babylon'a nache ding ahi.

⁴Ahinla Vo, Zedekiah, Judah lengpa, Pakai thusei ngaijin, Pakaiyin nachung thu hitin aseije, chemjam'a nathi lou ding ahi.

⁵Lungmong tah-a nathi ding ahi, namasanga leng masaho, napate gimnamtui ahalpeh banguva, nangma dinga jong gimnamtui ahaluva, ohe hepu atiuva, nakacham diu ahi. Ajehchu keiman thu kaphongdohtai, tin Pakaiyin aseije.

⁶Chujouvin Jeremiah themgaovin, thujousehi Jerusalem'a um Judah te lengpa Zedekiah henga aseitan ahi.

⁷Babylon lengpa sepaihon Jerusalem le Judah khopi aumuva, Lachish le Azekah asat laijuva chu kulpi kikai khum hichengse chu Judah khopiho lah-a umnalai ahi.

⁸Zedekiah lengpan Jerusalem'a um mipi jouse toh, jalenna thu phongdoh dinga thulhun asem jouva Pakaiya kona Jeremiah henga thu hunglhung chu hichehi ahi.

⁹Hitihin mijousen asohnu ham, asohpa ham chu Hebrai numei ham, Hebrai pasal ham ahile lha-ong hen, asopipa Hebrai mi kijensah-a koimacha umlou ding ahi, ati.

¹⁰Tun mitinin asohpale asohnu alha-ong ding, koimachan amaho akijensah kit louding ahi, ti ja-a thulhuna-a lut milen ho jousele mipite jouse chun ajuijun, alhadoh taove.

¹¹Ahinla khonungin akileheijun, alhadohsao soh pasal hole soh numei ho chu avelin soh na atohsah kitnun, sohpa le sohnu hidingin thununna noija akoitaove.

¹²Hijeh chun Pakai thu chu Pakaiya konin Jeremiah henga ahung lhungin aseije,

¹³Pakai Israel Pathen'in hitin aseije, keiman Egypt gama sohchana in'a kona amaho kapuidoh ni chun, napateu toh thulhun kanasemin, hitin kanaseije.

¹⁴ Hitihin asopipa, Hebrai mi, ahenga kijohsa, kum gup ama anajensa chu kum sagi kichaile alha-ong ding ahin, chule aman kum gup najen tengle nanga kona nalha ong ding ahi, kanatin: ahinla napateu vin kathu angaihih un, anau jong asungpouve.

¹⁵Chuin nangho nahung kiheijun, adih chu nabolun, mitinin asopi henga jalenna naphongun: kamina kivo in'a kamasanga chun kitepna nasem uvin ahi.

¹⁶Ahinla nakilehei kitnuvin, kamin nasuboh-un, anoptah uva nalha-ong nungun, nasohnule nasohpao chu napuipha kitnun, nasohpaole nasohnu hidingin thununna noija napuilut kitnuve.

¹⁷Hijeh chun Pakaiyin hitin aseije, mitinin asopipale aheng akom henga chamlhatna thu phong dingin kathu nangai hih un, veuvin, keiman chemjam'a din, hise-a din, chule kel lhah-a din, chamlhatna kaphong doh-e. Leiset lenggam jouse-a kichonlele dingin semtao vinge, tin Pakaiyin aseije.

¹⁸Chule keiman thulhun suhkeh-a, kamasanga kitepna asemsao nitlouho chu, bongnou kihapsatna, akah-a mi kijotpai jengtheija uma,

¹⁹bongnou kihapsat kah-a kijotpai Judah milenhole Jerusalem'a milenho, nukiso ho, thempuho, chule gamsung mipite jouse;

²⁰Keiman amelmateu khutna, chule ahinnao holte khutna amaho chu kapehdoh-a, athilongu chu chunga leng vachate le, leija ganhingho anneh dingbep hiding ahitai.

²¹Chule Judah lengpa Zedekiah le amilenho chu, amelmateu khutna, ahinnao holte khutna, chule nangho-a kona kinungtol louva Babylon lengpa sepaiho khutna kapehdoh ding ahi.

²²Vetan, keiman thu kapeh-a, amaho chu hiche khopi-a kahin kilesah kit ding ahi, tin Pakaiyin aseije. Amahon hiche khopihi ahinsat naova, alahdiu chule meija ahaldiu, chule keiman Judah khopihohi chenna louva kamhela kalha ding ahi, ati.