Read Thado Chin Jeremiah 41 Bible Online

Jeremiah 41 - Thado Chin bible

Jeremiah 41

¹ Tun lha sagi lhinin ahitin ahi, lengte chilhah lah-a Elishama chapa, Nethaniah chapa Ishmael le lengpa pipuiho, amatoh mi somjen, Mizpah ah Ahikam chapa Gedaliah henga ahungun, chukom Mizpah a chun changlhah anekhomuve.

²Chuin Nethaniah chapa Ishmael le alhonpi mi som akipatnun, chemjamin Shaphan chapa, Ahikam chapa Gedaliah Babylon lengpan vaipo-a apansah chu athat taove.

³Ishmael'in Mizpah a Gedaliah toh um Judah miho jousele chua anaumkha Chaldea te sepai jong athatgam helin ahi.

⁴Chuin aman Gedaliah athajou nini na-a chun ahitin ahi, chule hichu koiman ahetlou ahin,

⁵Shechem'a kon, Shiloh'a kon, Samaria'a konin mi somget jen, akhamul hetsa cheh aponsilu kibot tela, amale ama ki-atchen chenna, akhutnuva thilpehle gimnamtui choija, Pakai in'a tohdoh din ahunguve.

⁶Chuin Nethaniah chapa Ishmael chu Mizpah a konin amaho kimupi din, kappum pumin ajah uva, Ahikam chapa Gedaliah henga hungun, ati.

⁷Hitichu anahin, khopi lailung ahunggei phatnun, Nethaniah chapa Ishmael'in, amipuiho toh amaho chu athatnun kotong lailunga alehlut taove.

⁸Ahinla alah uva, mi somho chun Ishmael jah-a, neithat hih-un, ajehchu keihon suhlouchang, sakol chang, thao, chule khoiju selguh kaneijuve, atiuve. Hitichun ama atangin, amaho chu asopihou lah-a chun athat tapon ahi.

⁹Tun Ishmael'in Gedaliah jeh-a amithaho long apaina kotong chu Asa lengpan Israel lengpa Baasha agin jeh-a alai ahin, Nethaniah chapa Ishmael'in amithaho longin adippeh in ahi.

¹⁰Chuin Ishmael'in Mizpah a amoh umsun leng chanute, Mizpah a sepai lamkai Nebuzaradan'in Ahikam chapa Gedaliah apehdohho, Mizpah a um jouse apuimangin, Nethaniah chapa Ishmael'in amaho chu sohchangin akaimangin, Ammon mite gam kalpeh-a din akipatdoh tai.

¹¹Ahinla Kareah chapa Johanan le aumpi sepai gallamkai jousen, Nethaniah chapa Ishmael thilbol phalou jouse ajah phatnun,

¹²mijouse apuijun Nethaniah chapa Ishmael satdin akonun, Gibeon'a twi tamtah umna-a chun aphapa taove.

¹³Chuin ahitin ahi, Ishmael umpi mi jousen Kareah chapa Johanan le ahinpui sepai gallamkai jouse amu phatnun akipah behseh jenguve.

¹⁴Hitichun sohchanga Mizpah a kona Ishmael'in apuimang mi jouse ahung kinunghei cheh uvin, Kareah chapa Johanan heng lama achetauve.

¹⁵Nethaniah chapa Ishmael vang chu mi get toh Johanan'a konin ahoidoh-un Ammon mite henga achetauve.

¹⁶Chuin Kareah chapa Johanan le aumpi sepai gallamkai jouse chun, Nethaniah chapa Ishmael'in Ahikam chapa Gedaliah atha jouva Mizpah a kona Nethaniah chapa Ishmael''a kona Johanan'in ahuhdoh mijouse, gal hat ho, numei ho, chapangho, nukiso ho, chu Gibeon'a konin ahin lepuisoh kit tai.

¹⁷Akipat doh-un, Egypt jotlutna Bethlehem koma Chimham achun acheng taove.

¹⁸Ajehchu, gamsunga vaipo dinga Babylon lengpan anapansah Ahikam chapa Gedaliah chu, Nethaniah chapa Ishmael'in anatha jeh-a chu Chaldea miho akichatnu ahi.