Read Thado Chin Jeremiah 43 Bible Online

Jeremiah 43 - Thado Chin bible

Jeremiah 43

¹Chuin Jeremiah chun miho jouse henga Pakai a-Pathen'u thu jouse Pakai Pathen'in sei dinga asolna thu, hicheng thu jouse chu aseichai phatnin ahung hitin ahi.

²Chuin Hoshaiah chapa Azeriah le Kereah chapa Johanan chule mihoitho ho jouse chun Jeremiah henga, Pakaiyin Egypt gama pem dinga nache loudiu ahi tia sei dingin nasolpoi.

³Tha dinga Babylon'a eipui theina diuva, Chaldea miho khutna pedoh dinga, Neriah chapa Baruch in natun ahibouve, atiuve.

⁴Hitichun Kareah chapa Johanan le sepaiho gallamkai jouse chule mipite jouse chun, Judah gama chenna dingin, Pakai thu chu angai tapouve.

⁵ Hitichun Kareah chapa Johanan le sepaiho gallamkai jouse chun; amoh umsun Juda ho jouse, Judah gama cheng dinga akinomang nao namtin lah-a kona hungkileho,

⁶pasal ho, numei ho, chapangho, leng chanute chule Shaphan chapa, Ahikam chapa, Gedaliah toh sepai lamkai Nebuzaradan'in adalhah amitakip, chule Jeremiah themgao le Neriah chapa Baruch jaonan abonchauvin apuidoh taove.

⁷Hitichun Egypt gamsung ahung lhung taove. Ajehchu amahon Pakai thu angai pouvin, hitichun Tahpanhes mun ngei chu ahung lhung taove.

⁸Chuin Tahpanhes achun Jeremiah henga Pakai thu ahung lhungin, aseije,

⁹nakhutnin songchang len hochu lanlang Juda mite mitmu tah-in Tahpanhes a Pharaoh inlutna lampi-a kipha songpeh noija khun gavuijin,

¹⁰chule ajah uva hitin seijin, janel Pakai Israel Pathen'in hitin aseije, ngaijun kalhacha Babylon leng Nebuchadnezzar chu kakouva, hiche songchang kivuisaho chungahi alaltouna atundoh-a, chule aleng pondal loupi chu ajahdoh ding ahi.

¹¹Chule ama ahung teng Egypt gam ahin bolset ding athi dinga chu thina-a, sohchang dinga chu sohchan na-a, chemjam'a loudingho chu chemjam'a apehdoh ding ahi.

¹²Chule keiman Egypt gama pathenho insunga mei kachokaija, hichun ahallhah ding, amaho chu sohchanga akaimang ding, kelngoichingpan avon chunga hit le kha aphetngim banga amanjong Egypt gam chu asuhtheng hella, chua kona mongtah-a potdoh ding ahi.

¹³Aman Egypt gama Beth-shemesh'a um song milimho jong chu asuhchima, Egypt mite pathen inho chu meija ahallhah ding ahi.