Read Thado Chin Jeremiah 45 Bible Online

Jeremiah 45 - Thado Chin bible

Jeremiah 45

¹Judah leng Josiah chapa Jehoiakim lengchankal kumli channa-a Jeremiah kama hiche thuho asutlaija Keriah chapa Baruch henga Jeremiah themgaovin asei thu chu,

²Vo Baruch, Pakai Israel Pathen'in nahenga hitin aseije,

³Nangman Ohe, tun ada kahitai, Pakaiyin kalungkhamna chunga lung gentheina eibelappeh-in, khoisatna-in kalhutan, choldona kaneipoi, nati-e.

⁴Nangin ajah-a hiti ahi nasei ding ahi, Pakaiyin vetan, keiman kasah chu kaphelhan, kaphu chu hiche gam pumpi geijahi kabodoh ding ahi, ati.

⁵Nangin thil lenlen nachangseh dinga nahol ham? Bol hih-in, ajehchu mihing jouse chunga thilse kalhunsah ding ahi, Pakaiyin nahinkho hi nachena muntina nangma dinga anchah bepma bou kapeh ding nahi, ati.