Read Thado Chin Ezekiel 15 Bible Online

Ezekiel 15 - Thado Chin bible

Ezekiel 15

¹Chuin Pakai thu chu kahenga ahungin, hitin ati,

²Mihem chapa, lengpigui bah chu thingphung dang ahiloule gammanga um thingphung ho bah khat sanga, ipi hichom deh-a ham?

³Chua kona chu thilkhat tou semna dinga thing kilatei ding ham? Ahiloule min chuche-a kona chu umle bel khattou khaina dinga alah ding ham?

⁴Veuvin, hiche hi meikou sunga mei tikong nadingin akiseplutnin; meijin amongteni akavamin, chule akimlai chu akan ahi. Hichu thilkhat tou semna dinga kiloma hinam?

⁵Veuvin, hichu apum ahi petna bon thilkhat tou semna dinga alhinlela ahile, meijin akahvam tengle ichanna lhinglel cheh ding hitam?

⁶Hijeh chun Pakai Pathen'in hitihin aseije; gamlah thingphung ho lah-a kona meija tidinga lengpigui bah kapeh banga, Jerusalem'a chengho chu kapeh ding ahi.

⁷Chule keiman amaho douna kamai kaheiteng; amaho meikou khatna kona potnuva, ahivanga meikou dang khatnin amaho akahvam ding; chutia chu keiman amaho douna-a kamai kaheiteng, nanghon keima Pakai kahi neihet dingu ahi.

⁸Chule amahon asuhkhel jeh uva, keiman agammu kamhela kalhading ahi, tin Pakai Pathen'in aseije.