Read Thado Chin Ezekiel 2 Bible Online

Ezekiel 2 - Thado Chin bible

Ezekiel 2

¹Chuin aman kajah-a, Mihem chapa, nakengin dingdoh-in, chule keiman nahenga thu kasei ding ahi, ati.

²Aman kahenga thu asei phatnin lhagao chu kasunga ahung lutnin, chuin kahenga athusei chu kajah theina din, kakengin eidinsah-e.

³Chule aman kajah-a, Mihem chapa keima douna-a kiphinjing, thungailou Israel chate henga kasol nahi. Amahole apu apateuvin keima dounan tunikho geijin chonset abol jingun ahi.

⁴Ajehchu amahohi jumle jalam helou lungtah chate ahiuve. Keiman nangma kasol nahin, Pakai Pathen'in hitihin aseije, tia amaho naseipeh ding ahi.

⁵Chule amahohin, ngaiju henlang ngaihih tajongleu, (ajehchu amahohi kiphin nom insung ahiuvin,) amaho lah-a themgao khat anaum nalaije ti ahet dingu ahi.

⁶Chule nangma mihem chapa, amaho chu kicha hih-in, athuseiju jong kicha hih-in; ling le khaovin nabom henlang, aipi lah-a cheng hijongle chun; amaho thungailou insung hijongleu, athuseijun kicha hih-in, chule amit vetnun jong lungthoi hih-in.

⁷Chule amahon ngaijuhen, ahiloule ngaihih jongleu, keima thuhi ahenguva naseitei ding ahi. Ijeh-inem itile amahohi mikiphin nomte mong ahiuve.

⁸Ahin nangma mihem chapa, keiman nahenga kaseihi ngaijin; nangma chutobang thungailou insung bangin, thungailouvin umhih beh-in. Nakam hinkan, chule keiman kapehhi nen, ati.

⁹ Hichun keiman kagahven ahile, veuvin, kahenga khut khat ahung kilhang doh-in, chule ven, hiche sunga chun lekhabu jol khat aume.

¹⁰Chuin aman hichu ka anga apha jal-in ahi, hichu asungle apoa kisun ahi. Hiche sunga chun kana le lunghemna chule dana thu akisune.