Read Thado Chin Ezekiel 41 Bible Online

Ezekiel 41 - Thado Chin bible

Ezekiel 41

¹Chujouvin aman keima houin'a eihin puijin; chule khomho chu aten ahile, hilam pang tong gupmin alenin, chule alang khat pang tong gupma-in alene; hichu houbuh letdan chu ahi.

²Chule kotvai chu tong som ahin, chule kot pangho chu hilam sang tong nga, chule khulam sang tong nga ahi. Chule aman adung aten tong somli ahin chule avai tong somni ahi.

³Chuin ama asunga alutnin, kotkhom chu aten, tong ni ahin; chule kotkhah chu tong gup ahin, chule kot vailam chu tong sagi ahi.

⁴Chuin aman adunglam aten ahile, tong somni ahin; chule avai lam chu tong somni ahi. Chule aman kahenga, hichehi muntheng chungnung pen chu ahi, ati.

⁵Chujouvin aman houin bang chu aten, tong gup ahin; chule indan pang jouse vailam, inpang jouse kimvel chu tong li cheh ahi.

⁶Chule apanga indanho chu songthum ahin, khat chunga khat kisa, songkhat cheh-a chun dan somthum aumin ahi. Chule hicheho chu adet theina dingin in kolkhum soh-a panga indanho bang chutoh akisumatne; ahivangin a-in bangto vang akisumat pon ahi.

⁷Chule hiche indanho chu asancheh cheh phatchun apanga indanho chu akisulenin ahi; ajehchu inpanga lampi kihehtou chu achunglam peh geija a-in kimvela achedoh peh-in, hijeh chun a-in letdan chu asancheh chehle alet beben indan noinung pena patnin indan lailha le indan chungnung pen geijin alet beben ahi.

⁸Chule keiman a-in sandan jong chu kamun; indanho pang inbulho chu pengmol lhon tong gup lhingset ahi.

⁹Indan ponung panga bang sadan chu tong nga ahin, chule akidalha chu sunglama um indanho panga mun chu ahi.

¹⁰Chule a-in kimvel jousele indanho kikah-a chun mun ong tong somni-a len aume.

¹¹Chule indan pang kot ho chun akisei mun onglai chu amaingatnin, kotkhat nin sahlam, kot dang khatnin lhanglam angan ahi. Chule akidalha mun availam chu akimvel tong nga ahi.

¹²Tun mun kikhendoh masanga, lhumlam pang maingatna in kisa chu aletdan tong somsagi ahin, chule a-in bang kimvel chu tong nga-in asan, chule adung chu tong somko ahi.

¹³Hitichun aman houin chu aten, tong jakhat asaovin, chule mun kikhendoh le in kisa abangho jong tong jakhat asaovin;

¹⁴Chujongle houin mailam letdanle, solam sanga mun kikhendoh letdan chu tong jakhat ahi.

¹⁵Chuin aman innung lama um, mun kikhendoh jonna in kisa chu adunglam aten, hilam pang le khulam panga indanho kem kidosangho, houin sungnung le ahongsunga kempum,

¹⁶Kot khomho le bangkot neoho chan gei chu tong jakhat ahi. Chule kot jonna um kem kidosang dan thum chu tolla pat bangkot ho geijin thingpeh-in akikhenbeh-in; bangkot ho chu,

¹⁷Kot chunglama pat indan sungnung le ponung changei, chule akimvela bang jouse apolam le asunglam abona kite-a ahi.

¹⁸Chule hiche chu Cherub hole tumthinga kisem ahin, Cherub le cherub kikah-a tumthing umah ahi. Cherub jouse chun mai ni cheh aneijun,

¹⁹Chutichun mihem maiso pu-a chun tumthing lampang amaingatnin chule keipi bahkai chal khangdong maiso pu-a chun achom langkhatna tumthing lam chu amaingatnin ahi; chutia chu houin pumpi kimvel chu kisema ahi.

²⁰Houin bang chung chu, tolla patna kotchung geija Cherub ho le tumthingho lim kisema ahi.

²¹Houin khomho chu ningli kitohchet ahin, chule muntheng mai chu khat limso chu adang khat limso tobang cheh ahi.

²²Maicham chu thinga kisem ahin, tong thum asangin, chule adunglam chu tong ni ahi. Chuche-a aninghole adung chule abangho chu thinga kisem cheh ahi; chuin aman kahenga, Tonsot Pakai anga kido dokhang chu hichehi ahi, ati.

²³Chule houin le muntheng chun kot ni aneije.

²⁴Chule kot ho chun pehni cheh, akiheithei pehni, pehni kot khatna ding, chule pehni ma kotchom khatna ding, aneicheh-in ahi.

²⁵Chule banga kisem banga chun, hicheho chungle houin kot ho chunga chun Cherub hole tumthingho akisem cheh-e. Chule hongcha ponung chunga chun thingpeh satah akibeh-e.

²⁶Chule tumthingho hongcha pangho hilam pangle khulam panga chun bangkot neochaho aumin, chule hongcha panghole, insung danho pang chunga chun thingpeh satah ho akibeh-in ahi.