Read Thado Chin Ezekiel 48 Bible Online

Ezekiel 48 - Thado Chin bible

Ezekiel 48

¹Tun hichehohi phung minho chu ahiuve. Sahlam mong Hethlon gamkol lampi, Hamath'a chena, Hazarenan, sahlam sang Damascus gamsung le Hamath gamkol chan hiding ahi, ajehchu hichehohi solam le lhumlama ama gamkai ahin, Dan chanvou chu ahi.

²Chule Dan gamsung, solama pat lhumlam gei chu, Asher chan ahi.

³Chule Asher gamsung, solama pat lhumlam gei chu, Naphtali chan ahi.

⁴Chule Naphtali gamsung, solama pat lhumlam gei chu, Manasseh chan ahi.

⁵Chule Manasseh gamsung, solama pat lhumlam gei chu, Ephraim chan ahi.

⁶Chule Ephraim gamsung, solama pat lhumlam gei chu, Reuben chan ahi.

⁷Chule Reuben gamsung, solama pat lhumlam gei chu, Judah chan ahi.

⁸Chule Judah gamsung, solama pat lhumlam gei chu, avai pengmol sangsomni le sangnga, gamchan dangho khat banga sao, solama pat lhumlam gei chu natodoh dinguva um natodoh-u chu hiding ahi. Hiche lailunga chu muntheng chu umding ahi.

⁹Pakai houna dinga natodoh dingu chu adung sangsomni le sangnga, avai sangsom hiding ahi.

¹⁰Chule amaho ding, thempuho ding ngei chu, hiche kipedoh theng chu hiding; sahlam sang sangsomni le sangnga sao, chule solamsang sangsoma len, chule lhanglam chu sangsomni le sangnga sao hiding ahi. Chule Pakai muntheng chu alailunga chu umding ahi.

¹¹Hichehi Israel chate anavavei laijuva, Levi miho anavavei banguva anavah veilou, kathupeh anaching tupma ana kisuthengsa Zadok chapate thempu ho-a hiding ahi.

¹²Chule hiche akipedoh gam chu, amaho dinga Levi mite gamsung thiltheng chungnung hiding ahi.

¹³Chule thempuho gamsung jonna chu Levi miten gam adung sangsomni le sangnga, avai sangsom anei dingu ahi, adung jouse chu sangsomni le sangnga hiding, chule avai chu sangsom hiding ahi.

¹⁴Chule amahon hichehi ajoh loudiu, ahiloule alhet loudiu, gamga masaho jong midang apeh loudiu ahi; ajehchu hichehi Pakai dinga atheng ahi.

¹⁵Chule sangsomni le sangnga jonna avai sanga kidalha chu khopi dinga manchah thei hiding, chule mipi dinga chenna dingle khovel hiding ahi. Chule hiche alailunga chu khopi umding ahi.

¹⁶Chule hichehi akite dan hiding ahi: sahlam sang chu sangli le janga, lhanglam sang sangli le janga, solamsang sangli le janga, chule lhumlam sang sangli le janga hiding ahi.

¹⁷Chule khopivel chu sahlam sangjani le somnga, lhanglam sangjani le somnga, solam sangjani le somnga, lhumlam sang chu jani le somnga hiding ahi.

¹⁸Chule akipedoh gambih theng jona avalchu adunglam chu solamsang sangsom, lhumlam sang sangsom hiding ahi. Chule hichu akipedoh gambih theng jona umding ahin, chule chua aga sohdoh chu khopi kinbolho kivahna hiding ahi.

¹⁹Khopi kinbol ho chu Israel phungho-a kona bou aboldiu ahi.

²⁰Akipedoh pumpi adung avai chu sangsomni le sangnga cheh hiding ahi, khopi chan puma aningli kibanga akipedoh theng chu natodoh thadingu ahi.

²¹Chule amoh akipedoh theng pang jetle vei chu lengchapa-a hiding, akipedoh sangsomni le sangnga solam gamsung jona, chule lhumlam sang gamsung jona sangsomni le sangnga, hiche chanho jongchu lengchapa-a ahi. Chule hichehi akipedoh theng chu hiding ahi. Chule hiche lailunga chu houin muntheng chu umding ahi.

²²Hiche chungchona chu Levi mite chanvouho le khopi chanvouho-a pat alailunggei lengchapa-a hija, Benjamin gamsungle Judah gamsung kikah chu lengchapa-a ding ahi.

²³Aumnalai phungho thudol chu, solam sanga pat lhumlam gei chu, Benjamin phungin chan khat aneiding ahi.

²⁴Chule Benjamin gamsung, solama pat lhumlam geija Simeon'in chan khat aneiding ahi.

²⁵Chule Simeon gamsung, solama pat lhumlam gei chu Issachar chan ahi.

²⁶Chule Issachar gamsung, solama pat lhumlam gei chu Zebulun chan ahi.

²⁷Chule Zebulun gamsung, solama pat lhumlam gei chu Gad chan ahi.

²⁸Chule Gad gamsung chu, lhumlam sanga lhanglam panga gamgi chu Tamar'a pat Kadesh'a longlut twiho geile twipilen lama long vadung gei chu ahi.

²⁹Hichehi nanghon Israel phung mite goulo dinga vangvetna nahoppeh dingu gamchu ahin, chule hiche hohi achanvou uchu ahi, tin Pakai Pathen'in aseije.

³⁰ Hichehohi khopi-a kona sahlam panga gamgi ngahna kilhungdoh ahin, tenaho-a sangli le janga ahi.

³¹Khopi kotpiho chu Israel phungho min dungjuija sah ding ahin, sahlam panga kotpi thum aumin, Reuben kotpi khat, Judah kotpi khat, Levi kotpi khat ahi.

³²Chule solam sanga sangli le janga, chule kotpi thum, Joseph kotpi khat, Benjamin kotpi khat, Dan kotpi khat ahi.

³³Chule lhanglam sanga sangli le janga, chule kotpi thum, Simeon kotpi khat, Issachar kotpi khat, Zebulun kotpi khat ahi.

³⁴Lhumlam sanga sangli le janga, akotpiu thum toh, Gad kotpi khat, Asher kotpi khat, Naphtali kotpi khat ahi.

³⁵Akimvel chu tena sangsom le sangget ahin, chuche ni-a patna chuche khopi min chu, chumuna Pakai aume, hiding ahi.