Read Thado Chin Hosea 12 Bible Online

Hosea 12 - Thado Chin bible

Hosea 12

¹Ephraim huijin akivah-in, chule solam huichu anung ajuije: aman niseh-in joule gamna apunsah-in, amahon Assyria te toh kitepna asemun, chule thaotwi Egypt gama apolut uve.

²Pakaiyin Judah to jong kinel kalna aneijin, chule Jacob chu achonnaho dungjuija talen apehding; atoh dungjuija alethuhding ahi.

³ Aman naobu sunga aumpetnin asopipa khotaljum atuh-in, chule athahatna-in Pathen toh akibonin ahi.

⁴ Henge, aman vantil toh akibonin, ajouvin; ama akapmin, ahenga ngehna ananeije: aman amachu Bethel'a amudoh-in, chule aman hia chun eiho henga thu aseije.

⁵Janel ho Pakai Pathen ngeichu, Pakai kiti chu ama hetjingna min ahi.

⁶Hijeh chun, na-Pathen heng lama kiheijin; hepina le thutana nitnin, chule na-Pathen ngahjing jengin.

⁷Amachu sumkolvei ahin, lepchena khaikot akhutna aume; aman mi suhgenthei ding adeijin ahi.

⁸Chule Ephraim'in hitin aseije, keima kahaotan, thilpha kakimu dohtai; chule katoh naho jouse-a amahon keima-a chonset kiti khangitlouna amudoh loudingu ahi, ati.

⁹ Egypt gama kipatna keima Pakai na-Pathen hia kahin, kut loupi nikho laiho banga, houbuh sunga kachensah ding nahi.

¹⁰Keiman themgao ho-a konin jong thu kaseijin, chule themgao thilmuho kapunsah-in, chule themgaoho lhacha natoh na-a konin, limle mel kibahpiho kamangchan ahi.

¹¹Gilead gamsunga khangitlouna umem? tahbeh-in amaho ahomkeo ahiuve. Amahon Gilgal'a bongchalin ganlhaina aboluvin; henge, amaicham semhou chu louva leilhang kisetoh abanguve.

¹² Chule Jacob Syria thinglhang lama ajamlutnin, Israel jiding lonan sohna atongin, chule jiding lonan kelngoi chingin apange.

¹³ Chuin Pakaiyin themgao amangchan Israel chu Egypt gama konin apuidoh-in, chule themgao mangchan venbitnin aume.

¹⁴Ephraim'in amachu nasatah-in alunghan sah-in: hijeh-a chu athisan chu amachunga adalhah ding, chule ami phosalna chu Pakaiyin ama alepeh ding ahi.