Read Thado Chin Hosea 6 Bible Online

Hosea 6 - Thado Chin bible

Hosea 6

¹Hunguvo, Pakai koma kile taohite, ajehchu aman abotel ahin, aman eidamsah dingu ahi; aman eijepmu ahin, aman eitompeh diu ahi.

²Nini joule aman eisuhhal diu ahi; nithum nile eikai thoudiu, chule eiho ama mitmu-a ihindiu ahi.

³Eihon Pakai chu het dinga ijuijuva ahile ihet diu ahi; ama vaikon doh chu jingkah banga gontupsa ahin; leisetna go masale go nunung ajuh banga, ama ichunguva go banga hung juding ahi.

⁴Vo Ephraim, keiman nangma i-kalo ding nahim? Vo Judah, keiman nangma i-kalo ding nahim? Ajehchu naphatna chu jingkah meibol tobang ahin, chule jing daitwi bangin achemang jitai.

⁵Hijeh achu keiman amahochu themgaoho mangcha-a kalhamlhah ahitan; kakamsung thuchenga amahochu katha ahitai: chule nathu tanhou chu khovah kikhodoh tobang ahi.

⁶ Ajehchu keiman ganlhaina sangin hepina kadei jon; govam thilto sangin Pathen hetna chu kadeijon ahi.

⁷Ahivangin amahon mihemte bangin kitepna apalkeh-un; keiman dounan kitahlou tah-in achonuvin ahi.

⁸Gilead chu khangitlou bolho khopi ahin, chule thisanin akisuhboh-in ahi.

⁹Gucha michom hon mi angailhih bangun, hiti chun thempu hon Shechem lampia athatnun ahi: ajehchu amahon jonthanhoina abolun ahi.

¹⁰Keiman Israel insunga tijat umtah thil kamui; chua chun Ephraim kijohna aumin, Israel suhboh-in aume.

¹¹Chujongle, Vo Judah, keiman kamite sohchan na-a kona kahin lepui kit phatle, aman nangma dinga chang atding nakoipeh ding ahi.