Read Thado Chin Hosea 7 Bible Online

Hosea 7 - Thado Chin bible

Hosea 7

¹Keiman Israel kasuhdam phat tengle, Ephraim khangit louna le Samaria gitlouna chu kimudoh ding ahi: ajehchu amahon jou abolun; chule gucha alutnin, chule michom hon polama achomun ahi.

²Chule keiman akhansetnao abonchan kahei tihi alungun ageldoh pouve; tun athilbol houchun amaho aumchah-u ahitai; amaho kamai koh-a akilange.

³Amahon akhansetna houvin lengho akipa sah-un; chule pipuiho chu ajousei uvin akipasah uvin ahi.

⁴Amaho abonchauva mijong ahiuvin, changlhah kangpan achangbong ameh jouva, chol achansoh masangse-a, thingkho chumlouva thuhsung ahulsat tobang ahiuvin ahi.

⁵Kalengpao nikholaijin pipuihon amachu juhaijin ana natsah-un; aman mijontai ho toh akhut ajahkhomin ahi.

⁶Ajehchu amahon alupmuva mi angailhih sungun, alungsungu chu thuhsung bangin kigosa demin akoijun: achanglhah kangpao chu jankhovah-in a-imun; jingkah-in meikong bangin ana ka-in ahi.

⁷Amaho abonchauvin thuhsung bangin asa-un, athutanhou aval lhumun; alenghou alhu gam taovin: amaholah-a keima eikouva khatcha aumpon ahi.

⁸Ephraim amatah miho toh akichohhal tai; Ephraim chu changlhah kilehlou ahi.

⁹Gamchom mihon athahatna aval lhumpeh-un, ahin aman hichu ahepon ahi: henge, achunga samho adon donna akhangtan, ahinla aman ahedoh dehpon ahi.

¹⁰Israel akiletsahna chun amai koh-a ahettohsah-in; ahin Pakai a-Pathen'u henga chun akile pouvin, chule hicheng jeh hin holjong aholdeh pon ahi.

¹¹Ephraim jonghi lungthimbei vakhu ngoltah tobang ahi: amahon Egypt akouvun, Assyria henga acheuve.

¹²Amaho ache phatnule, achunguva kalen kajahkhum ding; amaho chu chungleng vachaho banga kahin puilhah ding, chule houkhom hon ana jahsao banga, amaho chu kasehgim ding ahi.

¹³Ohe amaho ada ahiuve! ajehchu amaho keija konin ajam mangun ahi. Manthah na chu amaho-a ahi! ajehchu keima dounan asukhelun: keiman amaho kalhatdoh vangin, amahon keima dounan jouthuho aseijun ahi.

¹⁴Amaho ajalkhun chunguva apenu chun, alungsung tah-un keima eikou pouvin; amaho nehle chah le ju ngaitonan akikhomun, chule keima dounan akiphinun ahi.

¹⁵Keiman amaho gotna kapeh-a abanthau kahatsah vangin, amahon keima dounan thilphalou lungin agelun ahi.

¹⁶Amaho ahung kiheijun, ahivangin hat chungnung pa lam ahipoi; amaho lheplhahna dim thalchang tobang ahiuve. Apipui houchu aham hoithou jeh-a chemjam'a lhuding ahiuve. Hichehi Egypt gamsunga amaho kinuisatna hiding ahi.