Read Thado Chin Minbu 26 Bible Online

Minbu 26 - Thado Chin bible

Minbu 26

¹ Chuin hise umjou chun ahitin ahi, Pakaiyin Mosi le Aaron thempupa chapa Eleazar henga thu aseijin, hitin ati,

²Israel chate houkhom ho lah-a konin apu apateo insung kailhah-a, Israelte galsatna konthei cheh kum somni-a pat chunglam sese simdoh lhonin, ati.

³Chuin Mosi le Eleazar thempupan amaho chu Moab phaicham Jordan pang Jericho naija chun akihoupi lhonin,

⁴Pakaiyin Mosi le Egypt gama kona hung potdoh Israel chateho thu apeh bangin, mipi ho kum somni apat chunglamse chu simdoh-un, atilhone.

⁵Reuben, Israel chapa lenpen: Reuben chateho chu: Hanoch'a kon Hanoch insung mite ahung kondoh-un: Pallu'a kon Pallu insung mite ahung kondoh-un ahi.

⁶Hezron'a kon Hezron insung mite: Karmi'a kon Karmi insung mite ahiuve.

⁷Hichengse hi Reuben inko ahiuvin: chule amaho akisimdoh sese chu sangsomli le sangthum toh jasagi le somthum ahiuve.

⁸Chule Pallu chapa chu Eliab ahi.

⁹Chule Eliab chapate chu Nemuel, Dathan, chule Abiram ahiuve. Hiche Dathan le Abiram hi ahi houkhom ho lah-a minthang tah Korah le akiloipihon Pakai anelkal laijuva amahoto ana kiloija Mosi le Aaron ana nelkala teni chu.

¹⁰Chule hicheho loi athiu chun leisetnin akam akan, amaho chu Korah toh avallhum than, meijin mi janitoh somnga akalih-in, amaho chu melchihna khatnin ahung pangtaove.

¹¹Achuti jeng vang chun Korah chate chu athipon ahi.

¹²Simeon chapate chu insungu dungjuijin: Nemuel'a kon Nemuel insung mite: Jamin'a kon Jamin insung mite: Jachin'a kon Jachin insung mite:

¹³Zerah'a kon Zerah insung mite: Shaul'a kon Shaul insung mite ahiuve.

¹⁴Hichehohi Simeon insungmiho ahiuvin, Sangsomni le sangni toh jani ahiuve.

¹⁵Gad chateho chu a-insungu dungjuijin: Zephon'a kon Zephon insung mite: Haggi'a kon Haggi insung mite: Shuni'a kon Shuni insung mite:

¹⁶Ozni'a kon Ozni insung mite: Eri'a kon Eri insung mite:

¹⁷Arod'a kon Arod insung mite: Arali'a kon Areli insung mite ahiuve.

¹⁸Hiche hohi Gad chate insungmihi akisimdoh dungjuija ahiuvin, Sangsomli toh janga ahiuve.

¹⁹Juda chapate chu Er le Onan ahilhonin; chuin Er le Onan chu Canaan gama athilhon tan ahi.

²⁰Chule Juda chapate chu a-insungu dungjuijin: Shelah'a kon Shelah insung mite: Pharez'a kon Pharez insung mite: Zerah'a kon Zerah insung mite ahiuve.

²¹Chuleh Pharez chapate chu: Hezron'a kon Hezron insung mite: Hamul'a kon Hamul insung mite ahiuve.

²²Hiche hohi amaho akisim doh dungjuija Juda insung mite ahiuvin, sangsomsagi le sanggup toh janga ahiuve.

²³Issachar chapate chu a-insungu dungjuijin: Tola'a kon Tolla insung mite: Pua'a kon Pua insung mite:

²⁴Jashub'a kon Jashub insung mite: Shimron'a kon Shimron insung mite ahiuve.

²⁵Hichehohi Issachar insung mite akisimdoh-u dungjuija amijat-u chu ahin, sangsomgup le sangli toh jathum ahiuve.

²⁶Zebulun chapate chu a-insungu dungjuijin: Sered'a kon Sered insung mite: Elon'a kon Elon insung mite: Jahleel'a kon Jahleel insung mite ahiuve.

²⁷Hicheho hi Zebulun insung miho akisimdoh-u dungjuija amijatnu chu ahin, sangsomgup toh janga ahi.

²⁸Joseph chapate chu a-insungu dungjuijin, Manasseh le Ephraim ahilhone.

²⁹Manasseh chapate chu: Machir'a kon Machir insung mite: Machir'in Gilead ahingin, Gilead'a konin Gilead insung miho ahungdoh-in ahi.

³⁰Hichehohi Gilead chapate ahi: Jeezer'a kon Jeezer insung mite: Helek'a kon Helek insung mite:

³¹Asriel'a kon Asriel insung mite: Shechem'a kon Shechem insung mite:

³²Shemida'a kon Shemida insung mite: Hepher'a kon Hepher insung mite ahiuve.

³³Chuin Hepher chapa Zelophehad chun chapa aneitapon, chanu ho bou aneijin ahi. Chule Zelophehad chanute min chu Mahlah, Noah, Hoglah, Milcah chule Tirzah ahi.

³⁴Hichehohi Manasseh insung miho ahin, chule akisimdoh amaho chengse chu, sangsomnga le sangni toh jasagi ahiuve.

³⁵Hiche hohi Ephraim chapate chu a-insungu dungjuijin, Shuthelah'a kon Shuthelah insung mite: Becher'a kon Becher insung mite: Tahan'a kon Tahan insung mite ahiuve.

³⁶Chule hichehohi Shuthelah chapateho ahi: Eran'a kon Eran insung mite ahiuve.

³⁷Hichehohi amaho akisim doh-u dungjuija Ephraim chapate insung miho ahiuvin, sangsomthum le sangni toh janga ahi. Hichehohi a-insungu kailhah cheh-a Joseph chapate ahiuve.

³⁸Benjamin chapate chu a-insungu dungjuijin: Bela'a kon Bela insung mite: Ashbel'a kon Ashbel insung mite: Ahiram'a kon Ahiram insung mite:

³⁹Shupham'a kon Shupham insung mite: Hupham'a kon Hupham insung mite: Naaman'a kon Naaman insung mite ahiuve.

⁴⁰Chule Bela chapateni chu Ard le Naaman ahilhone: Ard'a kon Ard insung mite: Naaman'a kon Naaman insung mite ahiuve.

⁴¹Hicheho hi a-insungu kailhah cheh-a Benjamin chapate ahiuvin, chule akisimdoh-u dungjuijin amaho chu sangsomli le sangnga toh jagup ahi.

⁴²Hicheho hi Dan chapate a-insungu dungjuija ahiuve: Shuham'a kon Shuham insung mite ahiuve. Hiche hohi a-insungu kailhah cheh-a Dan insung miho ahiuve.

⁴³Shuham insung mite jouse, akisimdoh dungjuijin amaho chu sangsomgup le sangli toh jali ahi.

⁴⁴Asher chateho chu a-insungu dungjuijin; Jimna'a kon Jimna insung mite: Jesui'a kon Jesui insung mite: Beriah'a kon Beriah insung mite ahiuve.

⁴⁵Beriah chapateho chu; Heber'a kon Heber insung mite: Malchiel'a kon Malchiel insung mite ahiuve.

⁴⁶Chule Asher chanu min chu Sarah ahi.

⁴⁷Hichehohi Asher chapate insung miho ahiuvin, akisimdoh-u dungjuijin, sangsomnga le sangthum toh jali ahiuve.

⁴⁸Chule Naphtali chapate chu a-insungu dungjuijin; Jahzeel'a kon Jahzeel insung mite: Guni'a kon Guni insung mite:

⁴⁹Jazer'a kon Jezer insung mite: Shillem'a kon Shillem insung mite ahiuve.

⁵⁰Hichehohi a-insungu dungjuija Naphtali insung miho ahiuvin, amaho akisim doh hochu sangsomli le sangnga toh jali ahi.

⁵¹Hiche hohi Israel chateho jat ahin, sangjagup toh sangkhat toh jasagi le somthum ahiuve.

⁵² Chuin Pakaiyin Mosi jah-a thu aseijin, hitin ati.

⁵³Hicheho henga hi gam chu alodinguva aminu kisimdoh dungjuija kihoppeh ding ahiuve.

⁵⁴Atamho henga chu nangman alodiu lentah napehding, chule alhomho henga alodiu neocha napeh ding ahi. Amitakip henga chu amijat kisimdoh dungjuija alodiu kipeding ahi.

⁵⁵Hijeng jongle gam chu vang sanna kihomding ahin, apu apateu phungmin kailhah dungjuija amahon alodingu ahi.

⁵⁶Vang kisan dungjuija gam chu atam le alhom kikah-a kihom khen ding ahi.

⁵⁷Chule hiche hohi Levi ho a-insungu dungjuija kisimdoh hochu ahiuve; Gershon'a kon Gershon insung mite: Kohath'a kon Kohath insung mite: Merari'a kon Merari insung mite ahiuve.

⁵⁸Hiche hohi Levi mite insung miho ahiuvin, Libni mite insung, Hebron insung mite, Mahli insung mite, Mushi insung mite, Kohath insung mite ahiuve. Chule Kohath'in Amram ahingin ahi.

⁵⁹Chule Amram jinu minchu Jochebed ahin, Levi chanu, anun Egypt gama Levi'a dinga ahinpeh ahi: chule amanun Amram chu Aaron le Mosi chule asopinu lhon Miriam ahinpeh-in ahi.

⁶⁰ Chule Aaron'in Nadab, Abihu, Eleazar le Ithmar ahingin ahi.

⁶¹ Ahin Nadab le Abihu chu Pakai anga mei thenglou ato pet lhonin athilhon tan ahi.

⁶²Chule amaho Pasal lha khatna pat chunglamse akisimdoh hochu sangsomni le sangthum ahiuve. Ajehchu amaho chu Israel chate lah-a goulo ding akipeh lou jeh-un, Israel chate lah-a akisimtha pouvin ahi.

⁶³Hichehohi Mosi le Eleazar thempupan, Moab phaicham, Jordan pang, Jericho naija asimdoh lhon Israel chate chu ahiuve.

⁶⁴Ahivangin Mosi le Aaron thempupan Sinai gamthipma Israel chate anasim lhon miho chu amaho lah-a hin khatcha beh jong aumtapon ahi.

⁶⁵ Ajehchu Pakaiyin amaho thudola chun, Amaho thonlouva gamthipma thiding ahiuve, anati ahi. Chutia chu Jephunneh chapa Caleb leh Nun chapa Joshua tilou adang khatcha jong kikhenlou anahitan ahi.