Read Thado Chin Minbu 33 Bible Online

Minbu 33 - Thado Chin bible

Minbu 33

¹Hicheng hi Mosi le Aaron khut noija Israel chate asepai ho toh Egypt gama kona akholjin nao chu ahi.

²Chule Mosi'n Pakai thupeh-a konin akholjin nao dungjuijin achedoh nao asunne: chule hicheng hi achedoh nau dungjuija akholjinu chu ahi.

³Chuin Ramases'a konin alha masapen nisomle ninga channa lha masapen, kalchuh kut ni ajingin Israel chate chu Egypt miho jouse mitmun khut thahat tah-in ahung kitoldoh taovin ahi.

⁴Ajehchu Egypt miho chun achateu apeng masapen jouse Pakaiyin athaho chu avuijun, a-pathenhou chunga jong Pakaiyin thu atan ahi.

⁵Chuin Israel chate chu Ramseses'a konin ahung kitoldoh-un, Succoth'a gebuh akisonun ahi.

⁶Chuin amaho Succoth'a konin akipat doh-un gamthip monglha Ethama gebuh akisonuve.

⁷Chuin amaho Etham'a konin akipat doh-un, Baal-Zephon maija um Pi-hahiroth lamma akile heijun, Migdol'a gebuh akison taovin ahi.

⁸Chuin amaho Pi-hahiroth maija chun akipat doh-un, dillen lah-a achepeh-un, gamthipma chun alutnun, hitichun amaho Etham gamthipma chun nithum akitolun, chuin Marah'a gebuh akison taovin ahi.

⁹Chuin Marah'a konin akipat doh-un, Elim'a ahung lutnun, Elim'a chun twinah somleni le lusu phung somsagi aumin, hia chun amahon gebuh akison taovin ahi.

¹⁰Chuin amaho Elima konin ahung kipatdoh-un, twipisan panga gebuh akison taovin ahi.

¹¹Chuin amaho twipisan panga konin akipat doh-un, Sin gamthipma gebuh akison taovin ahi.

¹²Chuin amaho Sin gamthipma konin akitolun, Dophkah'a gebuh akison taovin ahi.

¹³Chuin amaho Dophkah'a konin akipat doh-un, Alush'a gebuh akison taovin ahi.

¹⁴Chuin amaho Alush'a konin akichonun, mipi ho donding twi umlouna mun Rephidim'a gebuh akisonun ahi.

¹⁵Chuin amaho Rephidim'a konin akipat doh-un, Sinai gamthipma chun gebuh akison taovin ahi.

¹⁶Chuin Sinai nelphaija konin akichonun, Kibroth-hatta-avah'a gebuh akisonun ahi.

¹⁷Chuin amaho Kibroth-hatta-avah'a konin akipat doh-un, Hezeroth'a gebuh akisonun ahi.

¹⁸Chule amaho Hazeroth na konin akipat doh-un, Rithmah'a gebuh akisonun ahi.

¹⁹Chuin amaho Rithmah'a konin akipat doh-un, Rimmon-parez'a gebuh akisonun ahi.

²⁰Chuin Rimmon-parez'a konin akipat doh-un, Libnah'a gebuh akisonun ahi.

²¹Chuin Libnah'a konin akichonun, Rissah'a gebuh akisonun ahi.

²²Chuin Rissah'a konin akitollun, Kehelathah'a gebuh akisonun ahi.

²³Chuin Kehelathah'a konin achekitnun, Shapher molsanga gebuh akisonun ahi.

²⁴Chuin Shapher molsanga konin akitolun, Haradah'a gebuh akisonun ahi.

²⁵Chuin Haradah'a konin akitolun, Makheloth'a gebuh akisonun ahi.

²⁶Chuin Makheloth'a konin akitolun, Tahath'a gebuh akisonun ahi.

²⁷Chuin Tahath'a konin akipat doh-un, Tarah'a gebuh akisonun ahi.

²⁸Chuin Tarah'a konin akipat doh-un, Mithkah'a gebuh akisonun ahi.

²⁹Chuin Mithkah'a konin acheuvin, Hashmonah'a gebuh akisonun ahi.

³⁰Chuin Hashmonah'a konin akipat doh-un, Mosiroth'a gebuh akisonun ahi.

³¹Chuin Mosiroth'a konin akipat doh-un, Bene-ja-akan'a gebuh akisonun ahi.

³²Chuin Bene-ja-akan'a konin akichonun, Hor-hagidgad'a gebuh akisonun ahi.

³³Chuin Hor-hagidgad'a konin acheuvin, Jotbathah'a gebuh akisonun ahi.

³⁴Chuin Jotbathah'a konin akitolun, Ebronah'a gebuh akisonun ahi.

³⁵Chuin Ebronah'a konin akipatdoh-in, Ezion-gaber'a gebuh akisonun ahi.

³⁶Chuin Ezion-gaber'a konin akichonun, Kadesh kiti Zin gamthipma chun gebuh akisonun ahi.

³⁷Chuin Kadesh'a konin akichonun, Edom gam monga um Hor molsanga gebuh akisonun ahi.

³⁸ Chuin Aaron thempupa chu Pakai thupeh dungjuijin Hor molsang chunga akaltouvin, chuin hia chun Israel chate Egypt gama kona ahungdoh-u kum somli lhinni, lha-nga channa nimasani chun athitan ahi.

³⁹Chule Aaron Hor molsang athi chun kum jakhat le somni le thum ahitai.

⁴⁰ Chule Canaan lengpa Arad chu Canaan gam lhanglama cheng ahin, Israel chate hung chu ajatan ahi.

⁴¹Chuin amaho Hor molsanga konin akipat doh-un, Zalmonah'a gebuh akisonun ahi.

⁴²Chuin Zalmonah'a konin akipat doh-un, Punon'a gebuh akisonun ahi.

⁴³Chuin Punon'a konin akipat doh-un, Oboth'a gebuh akisonun ahi.

⁴⁴Chuin Oboth'a konin akipat doh-un, Moab gamgia Ije-abarim'a gebuh akisonun ahi.

⁴⁵Chuin Iim'a konin akipat doh-un, Dibongad mun'a gebuh akisonun ahi.

⁴⁶Chuin Dibongad'a konin akichon kitnun, Almon-diblath-aim mun'a gebuh akisonun ahi.

⁴⁷Chuin Almon-diblath-aim'a konin akichonun, Nebo masanga Abarim molsang ho-a chun gebuh akisonun ahi.

⁴⁸Chuin Abarim molsang ho-a kon chun Moab phaicham Jordan gal Jericho naijah gebuh akisonun ahi.

⁴⁹Chuin Jordan gal Moab phaichama um Beth-jesimoth apat Abel-shittim geichun gebuh akisonun ahi.

⁵⁰Chuin Moab phaicham, Jordan gal, Jericho naija chun Pakaiyin Mosi henga thu aseijin, hitin ati,.

⁵¹Israel chate henga chun seipeh inlang, hitihin seijin, Nangho Jordan nagalkaijuva Canaan gamsung nalhun tenguleh;

⁵²Nanghon namasanguva um agam neiho chu nadeldoh uva, chule amilim hou nasuhmang peh dingu, alim semthu a-pathen hou nasuhmanguva, chule amun thenghou nasuhlhuh diu ahi:

⁵³Chule agama cheng miho chu nadeldoh uva, hia chu nachendiu ahi: ajehchu keiman gam chu nalo dinguva kapeh-u nahi.

⁵⁴ Chule nanghon agam chu vang nasan uva na-insung kailhah dungjui cheh-a nakihop dingu ahi. Chule atamte chu natam peh uva, chule alhomte chu nalhom pehdiu: amitakip min avang san dungjui cheh-a mun chu aloding, napu napateu phung dungjuija nalo dingu ahi.

⁵⁵Ahinla nanghon agama cheng miho na masang uva kona nadeldoh louvule, hung hiti ding ahi: nanghon na-umden sahhou chun namit uva dinga moljuma panguva, napang peh uva dinga linga pangdingu, chule nachen nao gama chu nasunoh phah uva hungpang diu ahi.

⁵⁶Chukalvalla jong hung hitiding ahi, amaho chunga boldinga kanagel banga chu nangho chunga kabolding ahi.