Read Thado Chin Minbu 7 Bible Online

Minbu 7 - Thado Chin bible

Minbu 7

¹Mosi'n Houbuh lhingsetna atundoh-a, thao anua, chule asuh thenga, asunga um amanchah jouse, maicham le um le bel ho jouse toh agoma thao anua asuhtheng phatnin, ahitin ahi.

²Phungho pipui, akisimdoh saho chunga lamkai, Israel pipui ho, apu apateu insunga aluchangho chun thilpeh aneijun ahi.

³Chule amahon athilto hou; kangtalai innei gup le bongchal somleni hochu Pakai anga ahinchoijun; kangtalai khat chu pipui ni-a ding, chule bongchal khat chu mikhat cheh-a ding ahin: chule amahon hichu houbuh maija ahin choijun ahi.

⁴Chuin Pakaiyin Mosi jah-a aseijin, hitin ati,

⁵Hiche hohi houkhom ho houbuh kinbol na-a manchah dingin amaho-a konin lanlang, amitakip ama ama tohding kin dungjui cheh-in Levi ho chu pen, ati.

⁶Chuin Mosi'n kangtalai hole bongchal ho chu alan Levi ho apetan ahi.

⁷Kangtalai ni le bongchal li chu Gershon chapateho atohdiu kin dungjui cheh-in apen:

⁸Chule kangtalai li le bongchal get chu Aaron thempupa chapa Ithamar khut noija um Marari chapateho chu atohdiu kin dungjui cheh-in apen ahi.

⁹Ahin aman Kohath chapateho chu imacha apepon ahi; ajehchu amahon alengkou uva aput tho uchu munthenga atohdingu kin chu ahi.

¹⁰Chuin pipui hon thao kinu nikho chun maicham katdohna-a dingin thilto aneijun; hitichun pipuiho jengin jong maicham maija chun thilto aneijun ahi.

¹¹Chuin Pakaiyin Mosi henga, maicham katdohna-a dinga chu pipui khat cheh-in ama ama nikho-a athilto dingu chu apeh cheh dingu ahi.

¹²Anikho masapen ni-a thilpeh pe-a chu Juda phunga Aminadab chapa Nahshon ahin:

¹³Ama thilpeh chu muntheng shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin; aninia chu anneh thilpeh-a ding changbong neljet thao toh kihal dimset cheh ahi.

¹⁴Gimnamtui dimset shekel soma gih sana thihkhe khat:

¹⁵Govam thilto-a ding bongchal nou khat, kelngoichal khat, kumkhat lhingbep kelngoinou khat:

¹⁶Chonset thilto-a ding kelchaho nou khat:

¹⁷Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichenghi Aminadab chapa Nahshon thilto ahi.

¹⁸Anini lhin nin Issachar pipu Zuar chapa Nathaneel chun thilto abolin ahi.

¹⁹Aman athilto-a dingin munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat atoh-in: aninia chu anneh thilpeh-a ding changbong neljet thao toh kihal dimset cheh ahi.

²⁰Gimnamtui dimset shekel soma gih sana thihkhe khat:

²¹Govam thilto-a ding bongchal nou khat, kelngoichal khat, kumkhat lhingbep kelngoinou khat:

²²Chonset thilto-a ding kelchaho nou khat,

²³Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichenghi Zuar chapa Nathaneel thilto ahi.

²⁴Anithum lhin nin Zebulun chate pipu Helon chapa Elia'in thilto abolin ahi.

²⁵Ama thilto chu munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin: aninia chu anneh thilpeh-a ding changbong neljet thao toh kihal dimset cheh ahi.

²⁶Gimnamtui dimset shekel soma gih sana thihkhe khat:

²⁷Govam thilto-a ding bongchal nou khat, kelngoichal khat, kumkhat lhingbep kelngoinou khat:

²⁸Chonset thilto-a ding kelchaho nou khat,

²⁹Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichenghi Helon chapa Elia thilto ahi.

³⁰Anili lhin nin Reuben chate pipui Shedeur chapa Elizur'in thilto abolin ahi.

³¹Ama thilto chu munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin: aninia chu anneh thilpeh-a ding changbong neljet thao toh kihal dimset cheh ahi.

³²Gimnamtui dimset shekel soma gih sana thihkhe khat:

³³Govam thilto-a ding bongchal nou khat, kelngoichal khat, kumkhat lhingbep kelngoinou khat:

³⁴Chonset thilto-a ding kelchaho nou khat;

³⁵Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichenghi Shedeur chapa Elizur thilto ahi.

³⁶Ani nga lhin nin Simeon chate pipu Zurishaddai chapa Shelumiel'in thilto abolin ahi.

³⁷Ama thilto chu munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin: aninia chu anneh thilpeh-a ding changbong neljet thao toh kihal dimset cheh ahi.

³⁸Gimnamtui dimset shekel soma gih sana thihkhe khat:

³⁹Govam thilto-a ding bongchal nou khat, kelngoichal khat, kumkhat lhingbep kelngoinou khat:

⁴⁰Chonset thilto-a ding kelchaho nou khat;

⁴¹Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichenghi Zurishaddai chapa Shelumiel thilto ahi.

⁴²Anigup lhin nin Gad chate pipu Deuel chapa Eliasaph'in thilto abolin ahi.

⁴³Ama thilto chu munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin: aninia chu anneh thilpeh-a ding changbong neljet thao toh kihal dimset cheh ahi.

⁴⁴Gimnamtui dimset shekel soma gih sana thihkhe khat:

⁴⁵Govam thilto-a ding bongchal nou khat, kelngoichal khat, kumkhat lhingbep kelngoinou khat:

⁴⁶Chonset thilto-a ding kelchaho nou khat;

⁴⁷Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichenghi Deuel chapa Eliasaph thilto ahi.

⁴⁸Anisagi lhin nin Ephraim chate pipu Amihud chapa Elishama'in thilto abolin ahi.

⁴⁹Ama thilto chu munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin: aninia chu anneh thilpeh-a ding changbong neljet thao toh kihal dimset cheh ahi.

⁵⁰Gimnamtui dimset shekel soma gih sana thihkhe khat:

⁵¹Govam thilto-a ding bongchal nou khat, kelngoichal khat, kumkhat lhingbep kelngoinou khat:

⁵²Chonset thilto-a ding kelchaho nou khat;

⁵³Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichenghi Amihud chapa Elishama thilto ahi.

⁵⁴Niget lhin nin Manasseh chate pipu Pedahzur chapa Gamaliel'in thilto abolin ahi:

⁵⁵Ama thilto chu munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin: aninia chu anneh thilpeh-a ding changbong neljet thao toh kihal dimset cheh ahi:

⁵⁶Gimnamtui dimset shekel soma gih sana thihkhe khat:

⁵⁷Govam thilto-a ding bongchal nou khat, kelngoichal khat, kumkhat lhingbep kelngoinou khat:

⁵⁸Chonset thilto-a ding kelchaho nou khat;

⁵⁹Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichengpi hi Pedahzur chapa Gamaliel thilto ahi.

⁶⁰Aniko lhin nin Benjamin chate pipu Gideoni chapa Abidan'in thilto abolin ahi.

⁶¹Ama thilto chu munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin: aninia chu anneh thilpeh-a ding changbong neljet thao toh kihal dimset cheh ahi.

⁶²Gimnamtui dimset shekel soma gih sana thihkhe khat:

⁶³Govam thilto-a ding bongchal nou khat, kelngoichal khat, kumkhat lhingbep kelngoinou khat:

⁶⁴Chonset thilto-a ding kelchaho nou khat;

⁶⁵Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichenghi Gideoni chapa Abidan thilpeh ahi.

⁶⁶Anisom lhin nin Dan chate pipu Amishaddai chapa Ahiezer'in thilto apen ahi.

⁶⁷Ama thilto chu munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin: aninia chu anneh thilpeh-a ding changbong neljet thao toh kihal dimset cheh ahi.

⁶⁸Gimnamtui dimset shekel soma gih sana thihkhe khat:

⁶⁹Govam thilto-a ding bongchal nou khat, kelngoichal khat, kumkhat lhingbep kelngoinou khat:

⁷⁰Chonset thilto-a ding kelchaho nou khat;

⁷¹Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichenghi Amishaddai chapa Ahiezer thilto ahi.

⁷²Nisom le khat lhin nin Aser chate pipu Ocran chapa Pagiel'in thilto abolin ahi.

⁷³Ama thilto chu munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin: aninia chu anneh thilpeh-a ding changbong neljet thao toh kihal dimset cheh ahi.

⁷⁴Gimnamtui dimset shekel soma gih sana thihkhe khat:

⁷⁵Govam thilto-a ding bongchal nou khat, kelngoichal khat, kumkhat lhingbep kelngoinou khat:

⁷⁶Chonset thilto-a ding kelchaho nou khat;

⁷⁷Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hichenghi Ocran chapa Pagiel thilto ahi.

⁷⁸Anisom le ni lhin nin Naphtali chate pipu Enan chapa Ahira'in thilto abolin ahi.

⁷⁹Ama thilto chu munthenga shekel dungjuija shekel jakhat le somthuma gih dangka kongtong khat, shekel somsagi-a gih dangka sumlheng khat ahin: aninia chu anneh thilpeh-a ding changbong neljet thao toh kihal dimset cheh ahi.

⁸⁰Gimnamtui dimset shekel soma gih sana thihkhe khat:

⁸¹Govam thilto-a ding bongchal nou khat, kelngoichal khat, kumkhat lhingbep kelngoinou khat:

⁸²Chonset thilto-a ding kelchaho nou khat;

⁸³Chule chamna ganlhaina thilto-a ding bongchal ni, kelngoichal nga, kelchal nga, kumkhat lhingbep kelngoinou nga ahi: hicheng hi Enan chapa Ahira thilto ahi.

⁸⁴Hichehi Israel pipuhon thao anu nikhouva maicham kithensona chu ahi: dangka kongtong somleni, dangka sumlheng somleni toh, sana thihkhe somleni ahi.

⁸⁵Dangka kongtong ho chu shekel jakhat le somthum cheh-a gih ahin, sumlheng ho chu shekel somsagi cheh-a gih ahi. Dangka um le bel jouse chu muntheng shekel dungjuia shekel sangni le jali gih ahi.

⁸⁶Gimnamtui dimset sana thihkhe chu somleni ahin, munthenga shekel dungjuijin shekel som gih cheh ahi. Thihkhe-a sana ho jouse gihdan chu shekel jakhat le somni ahi.

⁸⁷Govam thilto dinga bongchal jouse chu bongchal somnileli, kelngoichal somgup, kumkhat lhingbep kelngoinou somgup, an neh thilpeh jouse toh; chule chonset thilto-a ding kelchaho nou chu somleni ahi.

⁸⁸Chule chamna ganlhai thilto-a ding bongchal jouse chu bongchal somnileli, kelngoichal somgup, kelchal somgup, kumkhat lhingbep kelngoinou somgup ahi. Hichehi thao akinu jouva maicham thensona chu ahi.

⁸⁹Chuin Mosi Ama toh kihou dinga houkhom ho houbuh sunga alutphatnin, Cherub teni kikah-a, hettohsahna thingkhong chunga hepi touna-a kon ahenga thu kisei aw khat ajan, chuin ama koma chun thu aseitan ahi.