Read Thado Chin Zechariah 12 Bible Online

Zechariah 12 - Thado Chin bible

Zechariah 12

¹Israel dinga Pakai thu pohgih chu, vanho jahdoh-a leiset bulpi phutdeh-a, mihem sunga lhagao umsah-a Pakai chun aseije,

²Judah le Jerusalem agoma douna dinga aki-um tengle, veovin, Jerusalem chu akimvela mijouse dinga lungvaina khonna kasem ding ahi.

³Chule hiche nikho chule Jerusalem chu mijouse dinga pohgih tah songa kasem ding; chuche douna-in leiset mijouse kikhom jongleh, chuche pohgih domkang dinga kigo jouse chu ahal hala kisat telding ahi.

⁴Pakaiyin aseije, hiche nikho chule sakol jouse kidangsah na-a, chule achunga touho chu ngolna-a kajep ding; chule Judah insung chunga kamit kaha sah-a, miho sakol jouse mit chotna-a kajep ding ahi.

⁵Chule Judah vaipoho chun alungthim uva, Jerusalem'a chengho chu janel Pakai a-Pathen'u jala kathahatnao ahi, atidiu ahi.

⁶Chuche nikho chule Judah vaipoho chu thing lah-a meithuh bangle, changphal lah-a meisel banga kasem ding; amahon akimvela mijouse jetle veija akahvam ding ahi. Jerusalem vang chu ama mun Jerusalem ngeija chu chenna kinei kitding ahi.

⁷David insung loupina le Jerusalem'a chengho loupina chu Judah chunga akichoisang louna dinga, Pakaiyin Judah ponbuh ho chu ahuhdoh masah ding ahi.

⁸Chuche nikho chule Jerusalem'a chengho chu Pakaiyin hongin tin, alah uva chuche nikho-a alhasampen jong chu David bang ding; chule David insung chu Pathen tobang hiding, a-angsung uva Pakai vantil um banghel hidiu ahi.

⁹Chule hiche nikho chule hunghiti ding ahi, Jerusalem douva hungkon nam jouse chu suhmang dinga kahol ding ahi.

¹⁰ Chule David insung chungle Jerusalem'a chengte ho chunga lungsetna lhagao le taona lhagao kahin buhlhah ding ahi. Chule amahon tenga anasutpao keima eivet diu, chule mi achapa changkhat jeh-a alunghem banga amaho lunghemdiu, mikhat acha pengmasa pen chunga lhasetah-a aka banga ama jala kana nasatah umding ahi.

¹¹ Hiche nikho teng chule Megiddo phaichama Hadad-rimmon pul kidou banga, Jerusalem'a puldouna lentah umding ahi.

¹²Chule gamsungin pul adouding, insung jousen atuma; David insungin mitin atuma, ajiteuvin atuma; Nathan insunga miten atuma, chule ajiteuvin atuma;

¹³Levi insunga mite atuma, chule ajiteuvin atuma; Shimei insungin atuma, chule ajiteuvin atuma;

¹⁴Amoh umnalai insung jousen, insung jousen atuma, chule ajiteuvin atuma pul adou chehdiu ahi.