Read Thado Chin Zechariah 7 Bible Online

Zechariah 7 - Thado Chin bible

Zechariah 7

¹Chule ahitin ahi, Darius lengchan kal kum lina, Chisleu kiti alhakoh chana, ni li chanin, Zekeriah henga Pakai thu chu ahung lhungin ahi.

²Hichu amahon Pathen in'a Sherezer le Regem-Melek le amiteu chu Pakai anga taodingin asol uvin,

³Chule janel Pakai in'a um thempuho le themgaoho henga, kum tamtah kahin bolngai banga, kachom uma, lha nga channa-a chu kaka ding ham? tia aga dohsah petnu ahi.

⁴Chuin janel Pakai thu chu kahenga ahung lhungin, aseije,

⁵Gamsunga um miho jousele, thempuho jouse jah-a chun seijin, nanghon lha nga nale lha sagina-a an nangol uva chule nalunghem tengule, chuche kum somsagi sung jenga jongchu kahenga, keima henga an ngolla nahibeh um?

⁶Chule nanghon naneh uva nadon tengu jongleh, nangho dinga bou naneh uva nadonu hilou ham?

⁷Jerusalem le akimvel khopiho mihon alo dimsetnuva aphattou laile, mihon lhanglam le phaicham alodimlai juva themgao masaho-a Pakai thusei ho chu nangaidiu hilou ham? ati.

⁸Chuin Pakai thu chu Zekeriah henga ahung lhungin, aseije.

⁹Janel Pakaiyin hitin aseije; Thutan dih mangun lang, mitinin asopi henga hepina le khotona musah hen.

¹⁰Chule meithai le pa neilou, kholjin mi le migenthei ho chu bolgim hih-un, koima chan asopi dounan alungthimin aphalou ngaito hihhen, ati.

¹¹Ahinla amahon angainom pouvin, chule alengkouvu aheimangun, ajahlouna dingun akol asimuvin ahi.

¹²Henge, amahon janel Pakaiyin themgao masaho lhagaova ahin thuseidoh ho le adan thupeh ho chu kijakhante tin alungu song bangin atahsah-un ahi. Hijeh chun janel Pakaiya konin alunghana nasatah ahung lhungin ahi.

¹³Hijeh chun, ahitin ahi, aman akouva, amahon angailou banguvin; amahon eikouvu keiman kangai lou ding ahi tin, janel Pakaiyin aseije.

¹⁴Ahinla keiman amaho ahetkhah louvu namtin lah-a chimpeijin kathecheh taove. Hijeh chun amaho nungin agamu chu akamheltan, koima ajotpa le akinungle aumpoi: ajehchu gam nomtah chu kamhela akoiju ahitai.