Read Thado Chin Mathew 1 Bible Online

Mathew 1 - Thado Chin bible

Mathew 1

¹Abraham chapa, David chapa, Jesu Christa khangui thubu.

²Abraham'in Isaac ahingin; Isaac'in Jacob ahingin; Jacob'in Juda le asopiteho ahingin;

³Juda'in Tamar toh Pharez le Zera ahingin; Pharez'in Esrom ahingin; Esrom'in Aram ahingin;

⁴Aram'in Aminadab ahingin; Aminadab'in Nahson ahingin; Nahson'in Salmon ahingin;

⁵Salmon'in Rahab toh Boaz ahingin; Boaz'in Ruth toh Obed ahingin; Obed chun Jesse ahingin;

⁶Jesse'in David lengpa ahingin ahi.

⁷Chuin David'in Uriah inneipi toh Solomon ahingin; Solomon'in Rehoboam ahingin; Rehoboam'in Abijah ahingin; Abijah'in Asa ahingin;

⁸Asa'in Josaphat ahingin; Josaphat'in Joram ahingin; Joram'in Uzziah ahingin;

⁹Uzziah'n Jotham ahingin; Jotham'in Ahaz ahingin; Ahaz'in Hezekiah ahingin;

¹⁰Hezekiah'in Manasseh ahingin; Manasseh'in Amon ahingin; Amon'in Josiah ahingin;

¹¹ Josiah'in Jechoniah le asopiho Babylon gama atolmang laijun ahingin ahi.

¹²Chuin Babylon'a atolmang nungun, Jekoniah'in Shealtiel ahingin; Shealtiel'in Zerubbabel ahingin;

¹³Zerubbabel'in Abiud ahingin; Abiud'in Eliakim ahingin; Eliakim'in Azor ahingin;

¹⁴Azor'in Sadoc ahingin; Sadoc'in Akim ahingin; Akim'in Elihud ahingin;

¹⁵Elihud'in Eleazer ahingin; Eleazer'in Mathan ahingin; Mathan'in Jacob ahingin;

¹⁶Chuin, Jacob'in Joseph ahingin, ama chu Christa kiti Jesu penna nu Mariam inneipu ahi.

¹⁷Hitichun khang agomin Abraham'a pat David geijin khang somle khang li ahin, David'a pat Babylon gama atolmang geijin khang somle khang li, chule Babylon gama atolmanguva pat Christa pen gei khang somle khang li ahi.

¹⁸ Jesu Christa pen umchan chu hiti ahi. Anu Mariam chu Joseph'in aji dinga ahol ahin, akigop masang lhonin amanu chu Lhagao Thenga kona agai akihedohtan ahi.

¹⁹Ahivangin a-inneipu Joseph chu michonpha tah ahi jeh-in, lhang phonga japi seithangin aumsah nom hih-in, guhthima kikhenpi ding lung angai totan ahi.

²⁰Aman lung achuti ngaito laitah-in, veuvin, Pakai vantil khatnin amangin akimusah-in, ajah-a, David chapa Joseph, na-inneipi Mariam gakipuilut ding olmo hih-in; ijeh-inem itile ama Lhagao Thenga kona gaija ahi.

²¹ Amanu soh intin chapa khat ahin ding ahi, chule amin Jesu nasah ding ahi; ijeh-inem itile amatah chun amite achonsetnuva kona ahuhhing ding ahi.

²²Pakaiyin Themgao kama asei thu,

²³ Veuvin, nungah theng chu hung gaijintin, chapa khat ahin ding ahi, Chule amin Immanuel asah ding ahi, ati, (Hichu Pathen'in eiumpiuve tina ahi) tia asei chu guilhuna dinga thu hicheng chu soh-a ahi.

²⁴Chuin Joseph a-imut akhangin, akipat in Pakai vantil'in thu apeh bang chun abolin, a-inneipi chu akichenpin ahi;

²⁵ Ahivangin amanun chapa peng masapen anei kahsen kitohkhahpi louhelin aumin; chuin acha chu amin Jesu asahtai.