Read Thado Chin Luke 18 Bible Online

Luke 18 - Thado Chin bible

Luke 18

¹Chuin mihem chu lhadah louhela tao jing jeng ding ahi ti hetsahnan, ajah uva thulem khat aseijin:

²Khopi khatna Pathen ging lou, mihem jong ja lou thutan vaihom khat aumin;

³Chuche khopi-a chun meithainu khat jong aumin; chuin amanu chu thutan vaihompa henga chun ahungjin, kakilung doupi chunga phu neilah peh-in tin ahung seijin ahi.

⁴Chuin amapa chom khat chu anom hih-in; ahivangin ajo phasah-in ama changin akihouvin, keiman Pathen kagin louva, mihem jong kaja lou vangin;

⁵Hiche meithai nun eisuh lunggim jing jeh hin, aphu lahpeh maitange, achuti loule ahung jingjeng hin eisu lungvai jinte, ati.

⁶Chuin Pakaiyin, thutan vaihom chondih loupa chun ipi aseijem, ngaijun.

⁷Chule achunguva lungdesot jeng jongle, sunle jana ama akou koujeng ami lhendoh ho phu chu Pathen'in alah lou dingham?

⁸Kaseipeh nahiuve, aman gangtah-a phu alah ding ahi. Ahivanginla Mihem Chapa ahung tengle, vannoi'a hin tahsan ahung mun'a dingem? ati.

⁹Chuin michonpha kingaito-a ama kitahsana midang imacha sah louho jah-a jong, thulem hiche hi aseije.

¹⁰Mi ni houin'a Pathen lhai dingin ache lhonin; khat chu Pharisai ahin, chule khat chu kaidong ahi.

¹¹Pharisai pa chu adingin achangin hitin ataovin ahi, Vo Pathen, keiman nangma kathangvah-e, keima midangho banga hunama la-a, chondihlou, jonga, chule hiche kaidongpa tobang jong hi kahipoi.

¹²Keiman hapta khat sungin nivei an kangoljin; kamu jouse hop soma hop khat kapejin ahi, ati.

¹³Kaidongpa vang chu gamlatah-a adingin, amit jong vandah nom louvin, Vo Pathen, michonse keima hi neilungset in tin a-op achum achumin ahi.

¹⁴ Kaseipeh nahiuve, khatjopa sang chun hichepa chu themchangin aumin a-in'a achesuhtai; ijeh-inem itile koi hile ama kichoisang chan chu kisunem ding; ama kineosah bou chu choisanga umding ahi, ati.

¹⁵Chuin mi phabepmin aman atham dingin anaosenho jong ahengah ahinpuijun; ahin seijuiten amu phatnun, amaho chu ana phoh-un ahi.

¹⁶Ahivangin Jesu'n amaho chu ahenga akouvin, Chapangho chu kahenga hung sah-un; jada hih-un: ijeh-inem itile Pathen gam chu hitobang teho-a bou ahi.

¹⁷Tahbeh-a kaseipeh nahiuve, Koi hile chapangneo tobanga Pathen gam sang lou chu, iti nama jongle chua lut louhel ding ahi, ati.

¹⁸Chuin vaipo khatnin adongin, Houhilpha, tonsot hin kemlou channa dinga ipi kabol dingham? ati.

¹⁹Chuin Jesu'n ajah-a, Ibola apha neitiham? Pathen khatseh tailou koimacha apha aumpoi.

²⁰ Thupeh chengse, jon bol hih-in, tolthat hih-in, gucha hih-in, thujouvin mi heh hih-in, nanu napa jabolin, ti chu nahenai, ati.

²¹Chuin aman, hichengse chu kachapan laija patna kahin nitpeh ahitai, ati.

²²Chuin Jesu'n hichu ajah phatnin ajah-a, Nalhin lelna khat aum nalaije; nanei chengse joh-inlang mivaicha gentheiho hoppeh-in, chutile van'a gou nanei ding ahi; chule hungin lang kanung hinjuijin, ati.

²³Ahin aman chucheng ajah phat chun, mihaotah ahi jeh chun alungnommo lheh jengtan ahi.

²⁴Chuin Jesu'n ama chu amun, Mihaoho hi Pathen gama alut-u iti hahsat hitam!

²⁵Ijeh-inem itile mihao Pathen gama alut sangin, heubil homa sangongsang lut abaijoi, ati.

²⁶Chuin chuche asei jaho chun, Chuti ahile koi huhhing-a um jou dingham? atiuvin ahi.

²⁷Ahivangin aman, Mihem dinga hithei lou chu Pathen dinga hithei ahi, ati.

²⁸Chuin Peter'in, Vetemin, keihon kaneiju kadalhaovin nanung kahinjui taove, ati.

²⁹Chuin aman ajah uva, Tahbeh-a kaseipeh nahiuve, Pathen lenggam jala a-in, anu, apate, asopite, aji le achate hin dalha-a chu,

³⁰Tu hinlai sunga ajat tamtah mube loule, khonung hinkho-a tonsot hin kemlou chang lou dinga koima aumpoi, ati.

³¹Chuin aman somleni ho chu apuijin, ajah uva, Veuvin, Jerusalem jonin iche touvui, chule themgaoho-a kona thu kisun jouse chu Mihem Chapa chunga kichai soh ding ahi.

³²Ijeh-inem itile ama chidang namdangho khutna pehdoh-a umding, chule totnopna aneijuva, jachat umtah-a aboldingu, chule chil aset khum dingu;

³³Chule avoh uva, atha dingu ahi. Chule ani thum nile thoudoh kit ding ahi, ati.

³⁴Ahivangin amaho dinga ki-ima ahi jeh-in, hitiho chu khatcha jong angainaje ahepouvin, ipi kiseija ahi jong ahepouve.

³⁵Chuin ahitin ahi, Jericho anaijin mitcho khat lam pama touva khutdo aumin ahi.

³⁶Chuin lampia mipi ache chu ajan, Hichu ipiham, tin adongin ahi.

³⁷Chuin, Nazareth Jesu chulama chu chea ahi, tin aseipeh-un ahi.

³⁸Chuin aman, Jesu, David chapa, keima neilungset in tin asamtan ahi.

³⁹Chuin amasanga cheho chun thipbeh-a umdingin aphoh-un; ahivangin ama chun, David chapa, neilungset in, tin ahasapcheh tan ahi.

⁴⁰Chuin Jesu adingin, ama chu ahenga pui dingin thu apen ahi: chuin ama akom ahung gei phatnin, adongin,

⁴¹Keiman nangma iloleng nalungham? ati. Chuin aman, Pakai, kho muleng kati, ati.

⁴²Chuin Jesu'n ajah-a, kho mutan; natahsanin nadamsah ahitai, ati.

⁴³Chuin chupettah chun kho amupai jengin, anung ajuijin, Pathen avahchoi avahchoijin: chuin miho jouse chun amu phatnun Pathen avahchoi taovin ahi.