Read Thado Chin Luke 3 Bible Online

Luke 3 - Thado Chin bible

Luke 3

¹Chuin Tiberius Caesar lengchan kal kum somle ngana-in, Pontius Pilate Juda gamvaipo ahia, chule Herod Galilee gam vaipo ahia, asopipa Philip Ituria le Trachonitis gamkai vaipo ahia, chule Lysanias Abilene gam vaipo ahi lai,

²Anna le Caiaphas thempulen ahilhon laijin, Pathen thu chu gamthipma Zachariah chapa John hengah ahung lhungtan ahi.

³Chuin ama chu Jordan luipang jui kimvela gam jouse-a ahungin, chonset suhbeina dinga lungheija baptize chan thu alhangsam len;

⁴ Isaiah themgao lekhabua kisunbang chun, Gamthipma khosam aw khatnin, Pakai lamlen semtohsan koijun, alampi semjangun.

⁵Damkom chengse kidip chama, molsang jousele lhang jouse kisunem ding; chule lamkon chu kisujanga, aphon nachu kisunam ding;

⁶Chule mi jousen Pathen mi huhhingna amu ding ahi.

⁷ Hiti chun aman, ama khutna baptize chang dinga ahenga hunga mihonpi jah-a chun, Vo gulse sonho, khonunga lunghan hung lhung dinga kona jam ding lungthim koiham napeuvah?

⁸ Hiche jeh chun lungheitoh kilomin gadoh-un; chule nalah uva, Abraham kapu luiju aumnai titahih-un; ijeh-inem itile kaseipeh nahiuve, Pathen'in hiche songho-a kona hi Abraham son asodoh sah thei ahi.

⁹Chule tu jeng jongin thing bultinah heicha kikoija ahitai; chutiachu thingphung aga phalou chengse chu kiphuh lhu-a, meija kisep lutji ahi, ati.

¹⁰Chuin mihonpi chun, Achutile keihon ipi kabol dinguham? tin ama adongui.

¹¹Chuin aman adonbutnin, amaho jah-a, Sangkhol ni neijan anei louva chu kihoppi hen; chule anneh neijan jong chutima chun bolhen, ati.

¹² Chuin kaidongho jong chu baptize chang dingin ahenga ahungun ajah-a, Mihil, keihonla ipi kabol dinguham? atiuve.

¹³Aman amaho jah-a, Nanghon nakiteppeh kalvalun mi-a lahbe hih-un, ati.

¹⁴Sepaiho injong adongun, Keihon jong ipi kabol dinguham? atiuvin. Aman amaho jah-a, Alam louvin koimacha acham louvin lahpeh hih-un; jouvin jong mi heh hih-un; chule nalo jat jat uvah lung lhaijun.

¹⁵Chuin mihon agaldot jingu ahito lhona, Hiche John hi Christa ahi khat tadem, tia lungthima angaito laitah-un,

¹⁶John'in adonbutnin, abonchauva jah-a, Keima vangin twija baptize kachansah nahiuve; ahivangin keima sanga hat chungnungjo ahunge, keima akeng chot khao sutlham dinga jong kilom kahipoi; amatah chun nangho Lhagao Thenga le meija baptize nachansah dingu ahi.

¹⁷Aman akhutna godal akichoijin, aphol ajapngim sela, chule achang pang sunga akhum ding; asi vang chu mit theilou meija agovam ding ahi, ati.

¹⁸Hiti chun aman tilkhouna thudang tamtah aseijin, amaho jah-a chun Kipana Thupha ahil lhanglen ahi.

¹⁹ Ahin John'in Herod lengpa chu asopipa Philip inneipi Herodia jal leh athilbol phalouho jala apho jeh-in,

²⁰John chu songkul'a akhumin, chonset chunga chonset abolbetai.

²¹Chuin ahitin ahi, miho jouse baptize achanuva, Jesu jong baptize achan jouvin, ataovin ahile van akihongin,

²² Chule Lhagao Theng tahsa vouvin vakhu bangin ahung kumlhan achunga achun, chule van'a konin aw ahung gingin, Nangma ka-Chapa deitah nahi; nachungah kalung alhai tangeije, ati.

²³Jesu amihil kipat chun ama kum somthum vel alhingin, mi ngaiton ama chu Joseph chapa ahin, Joseph chu Heli chapa ahin,

²⁴Heli chu Matthat chapa ahin, Matthat chu Levi chapa ahin, Levi chu Melchi chapa ahin, Melchi chu Janna chapa ahin, Janna chu Joseph chapa ahin,

²⁵Joseph chu Mattathias chapa ahin, Mattathias chu Amos chapa ahin, Amos chu Nahum chapa ahin, Nahum chu Esli chapa ahin, Esli chu Nagge chapa ahin,

²⁶Nagge chu Maath chapa ahin, Maath chu Mattathias chapa ahin, Mattathia chu Semei chapa ahin, Semei chu Joseph chapa ahin, Joseph chu Juda chapa ahin,

²⁷Juda chu Joanna chapa ahin, Joanna chu Rhesa chapa ahin, Rhesa chu Zerubbabel chapa ahin, Zerubbabel chu Shealtiel chapa ahin, Shealtiel chu Neri chapa ahin,

²⁸Neri chu Melchi chapa ahin, Melchi chu Addi chapa ahin, Addi chu Cosam chapa ahin, Cosam chu Elmodam chapa ahin, Elmodam chu Er chapa ahin,

²⁹Er chu Jose chapa ahin, Jose chu Eleazer chapa ahin, Eleazer chu Jorim chapa ahin, Jorim chu Matthat chapa ahin, Matthat chu Levi chapa ahin,

³⁰Levi chu Simeon chapa ahin, Simeon chu Juda chapa ahin, Juda chu Joseph chapa ahin, Joseph chu Jonam chapa ahin, Jonam chu Eliakim chapa ahin,

³¹Eliakim chu Melea chapa ahin, Melea chu Mennan chapa ahin, Mennan chu Mattatha chapa ahin, Mattatha chu Nathan chapa ahin, Nathan chu David chapa ahin,

³²David chu Jesse chapa ahin, Jesse chu Obed chapa ahin, Obed chu Boaz chapa ahin, Boaz chun Salmon chapa ahin, Salmon chu Nahson chapa ahin,

³³Nahson chu Aminadab chapa ahin, Aminadab chu Aram chapa ahin, Aram chu Hezron chapa ahin, Hezron chu Peres chapa ahin, Peres chu Judah chapa ahin,

³⁴Judah chu Jacob chapa ahin, Jacob chu Isaac chapa ahin, Isaac chu Abraham chapa ahin, Abraham chu Terah chapa ahin, Terah chun Nahor chapa ahin,

³⁵Nahor chun Seruch chapa ahin, Seruch chu Reu chapa ahin, Reu chu Peleg chapa ahin, Peleg chun Eber chapa ahin, Eber chu Shelah chapa ahin,

³⁶Shela chu Cainan chapa ahin, Cainan chu Arphaxad chapa ahin, Arphaxad chu Shem chapa ahin, Shem chu Noah chapa ahin, Noah chu Lamech chapa ahin,

³⁷Lamech chu Mathusala chapa ahin, Mathusala chu Enoch chapa ahin, Enoch chu Jared chapa ahin, Jared chu Mahalalel chapa ahin, Mahalalel chu Cainan chapa ahin,

³⁸Cainan chu Enos chapa ahin, Enos chu Seth chapa ahin, Seth chu Adam chapa ahin, Adam chu Pathen chapa ahi.