Read Thado Chin Danbu 20 Bible Online

Danbu 20 - Thado Chin bible

Danbu 20

¹Namelmate sat dinga nakon doh-a, sakol ho, akangtalai ho, mipi nang sanga tamjo namuteng, amaho chu kicha hih-in; ajehchu Egypt gama kona nahinpuidoh-a Pakai na Pathen chun naumpi jingnai.

²Chule hitiding ahi, gal nasatdiu konle, thempu chun mipi ho chu anailutna akihoupi ding,

³Chule ajah uva, Ngaijun, Vo Israel, tunia hi namelma teu satdia nahung naiju ahita: nalungu lhahsah hih-un, kicha hih-un, hot jong kihot hih-un, chule amaho jeh-in tijong tija hih-un;

⁴Ajehchu Pakai na Pathen chu nangho huhhing dinga, nangho dinga namelma teu satdinga nangho toh lhonkhoma ahi, atiding ahi.

⁵Chule gal lamkai ho chun mipi jah-a, Inthah sa-a thensolou mi koi naum uvem? Ama chu a-in lama chedin kilekit tahen, achuti loule gala thi intin, midangin kithenso getninte.

⁶Chule lengpihon sema aga neloulai naum uvem? Ama jongchu a-in lama chedin kilekit hen, achuti loule gala thi intin, midangin aga kineh getninte.

⁷Chule jihol neija kichenpi loulai naum uvem? Ama chu a-in lama chedin kilekit tahen, achuti loule gala thi intin, midangin kichenpi getninte.

⁸Chule lamkai ho chun mipi ho henga asebe nahlai ding, Akichale alungthoi naum uvem? Ama chu a-in lama chedin kilekit tahen, achuti loule ama lungbang bangin asopite lungthoi getninte, atidiu ahi.

⁹Chule hitiding ahi, lamkai hon mipi henga thu aseichai tengule, agalsat lamkaiho chu mipi amakaisah ding ahi.

¹⁰Khopi khat satdinga nahungnai tengle, ahenguva chamnathu seiphongin.

¹¹Chule hitiding ahi, chamna thua nahin donbut nuva, nahenga ahung kihon uva ahileh, hiti ding ahi: chua um mijouse chu nanoija hiuva, nangma najen dingu ahi.

¹²Ahin nakichampi nomlouva, nangma nanasat thuh-a ahi vangle, nangman hichu na-umkhum ding ahi.

¹³Chule Pakai na Pathen'in nakhutna napehdoh tengle, chua pasal jouse chemjam'a monghema nathagam ding ahi.

¹⁴Ahinla numei ho le naosen ho, ganchaho le khopi sunga umjouse, chua thil kichom jouse geija nakilah ding; Pakai na Pathen'in nanapeh namelma teu thil nachomho chu naneh ding ahi.

¹⁵Hiche nam miteho khopi hilou, nanga kona gamlatah-a um khopiho jouse chunga chutia chu nabol ding ahi.

¹⁶Ahinla Pakai na Pathen'in nagou loding napeh hiche khopi ho-a mite chu, ahaithei khatcha nahinghoi louding ahi.

¹⁷Hit mite, Amor mite, Canaan mite, Perizz mite, Hiv mite, Jebus mite chu Pakai na Pathen'in nathupeh banga nasuhmang helding ahi.

¹⁸Chutia chu amahon a-pathen hou chunga abolu thet umtah chonnaho chu nahil louna ding ahi; achuti loule Pakai na Pathen'u chunga nachonset khah ding ahi.

¹⁹Khopi khat lah dinga achunga gal nabola, phat sottah na-umkhum teng, chukoma thingphung ho chu heicha-a naphuh-a nasuh manglou ding ahi. Ajehchu naneh thei ahin, kulpi umna-a pangdinga naphuh lhuh louding ahi, (ajehchu loujaova thingphung ho hi mihem hinkho ahi).

²⁰Nemse ahikah seuva nangma kisatpi khopi chu umkhum na dinga, aga kinelouva nahet thingho bou chu nasuhmanga naphuh lhuh ding ahi.