Read Thado Chin John 20 Bible Online

John 20 - Thado Chin bible

John 20

¹Chuin hapta nikho masa ni jingpin, kho athimna laijin, Mariam Magdalene chu lhana chun agachen ahile, song chu lhana kona tahdohsa aum agamui.

²Hiche chun amanu Simon Peter le seijui dang, Jesu'n angailut henga chun, alhaijelin, ajah lhona, Pakai chu lhana konin apomang taove, chule hoija alupsah-u kahepouve, ati.

³Hiche jeh chun Peter achedoh-in, seijui dangpa jong chu ahi lhonin, lhan lama chun ache lhone.

⁴Hitichun thakhatnin alhai lhonin ahile seijui dang chun Peter akhelin, lhan phung chu alhung masatai.

⁵Chuin akunin asung agahvetle, tupat ponnem ho um chu amun, ahivangin asungah alutpoi.

⁶Simon Peter jong hiche chun anung nungah ahungin, chuin lhan sunga chun alutnin, chule tupat ponnem ho aum chu amun,

⁷Alu chunga um ultheh pon chu tupat ponnem ho chutoh umtha louva, akijela atuma anaum agamun ahi.

⁸Chutah chun seijui dang lhan phung lhung masajopa jong chu alutnin, amun, atahsan tai.

⁹Ajeh iham itile athia kona thoudoh kit ding tia asei, Pathen lekhabu thu chu ahet loulaiju ahi.

¹⁰Chutichun seijuite ni chu a-in lam gela achemang lhontan ahi.

¹¹Mariam vang chu lhan pama chun adingin akap kapmin; aka pum chun akunin lhan sung chu agahven ahile,

¹²Abana bang vantil ni Jesu long alupsah naova chu khat alulhuna atouva, khat akeng todopma atou amui.

¹³Chuin amani chun ajah-a, Numei, ibola nakaham? ati lhonin ahile, amanun ajah lhonah, Ajeh chu ka Pakai apomangun, hoija akoiju kahepoi, ati.

¹⁴Chutia ati jou chun, akinung heijin ahile Jesu adin amun, Jesu ahi chu ahepoi.

¹⁵Jesu'n ajah-a, Numei, ibola nakaham? koiham nahol? ati. Amanun honbol chun angaiton ajah-a, Pu, hikoma kona napohdoh ahile hoija nakoijem seijin, pomanging kate, ati.

¹⁶Jesu'n ajah-a, Mariam ati. Amanu akiheijin, ajah-a, Rabboni ati; hichu houhil tina ahi.

¹⁷Jesu'n ajah-a, Neitongkha hih-in; ijeh-inem itile keima Pa henga chun kakaltou hih laije; ahin chenlang kasopiho jah-a gaseijin, ka Pa, nangho Pa, ka Pathen, nangho Pathen henga kakaltouve, ati.

¹⁸Mariam Magdalene chu achen, aseijuiho jah-a chun, Pakai chu kamutai, atin, chule ajah-a hiche thu asei jong chu agaseije.

¹⁹Chuin hiche nikho mama nilhah lamin, hapta kipat ni ahito lhonin, aseijuite chu Judah ho gina kot akikha khum petnuvin, Jesu ahungin alah uva ahung dingin, ajah uva, Nachung uvah lungmon umhen, ati.

²⁰Aman hiche chu asei jouvin, amaho chu akhut le anah avetsahtan ahi. Chuin Pakai amu-u chu seijuite chu akipah lheh jengun ahi.

²¹Hijeh chun Jesu'n ajah uva, Nachung uvah lungmon umhen, Pan keima eisol banga keiman nangho kasol nahiuve, ati.

²²Chuin aman hiche chu asei jouvin, amaho chu ahu alha khumin, Lhagao Theng changun;

²³ Koi hile achonset nasuhbeiju chu, kisubeija ahi; achonset na-umsah-u chu, akiumsah ahi, ati.

²⁴Somleni lah-a khat, Thomas Didymus atiu, vang chu Jesu hunga chu amaho lah-a chu umlou ahi.

²⁵Hiche chun seijui dangho chun ajah-a, Keihon Pakai chu kamutaove, atiuvin ahi. Ahivangin aman ajah uva, akhutphang thingkil maha kamua, kakhut junga kakhoija, anah kakhutna katham lousen tahsan ponge, ati.

²⁶Chuin ni get jouman seijuite in sunga aum pettah-un, chule Thomas jong amaho toh uma ahin; kot kikhah sohkeija ahin, Jesu ahung kitnin alah uva ahung dingin, Nachung uva lungmon umhen, ati.

²⁷Chuin Thomas jah-a, Nakhut jungin hinkhoijin, kakhut teni hi ven; nakhut hin lhangin lang kanah thamin; chule gingchalel louvin tahsanin, ati.

²⁸Thomas'in adonbutnin ajah-a, ka Pakai le ka Pathen, ati.

²⁹Jesu'n ajah-a, Thomas, Neimu jeh-a natahsan ahi, mu louva tahsan ho anun nomui, ati.

³⁰Tahbeh-a Jesu'n aseijuite angsunga melchihna kidang tamtah abol ahin, hitiho chu hiche lekhabu sunga hin akisunpoi.

³¹Jesu chu Pathen Chapa Christa ahi chu natahsan uva, natahsan vanguva ama mina hinna nanei thei nadinguva, hichengse hi kisuna ahibouve.