Read Thado Chin Solchah 3 Bible Online

Solchah 3 - Thado Chin bible

Solchah 3

¹Ni khat Peter le John tao phatnin, hichu ni kihei ahin, houin'a achetou lhonin ahi.

²Chuin mi khat anu sunga apena elbaija peng ahinpouvin, houin alut jouse henga khut adoa thil akithum dinga, houin'a kotkhah hoi atiuva chu nisehle akoijiu ahi;

³Ama chun Peter le John houin'a alut ding lhon amu phatnin, thil eikipele tin anathumin ahi.

⁴Chuin Peter'in ama chu ave changmelin John toh ahin, Keini neive lhonin, ati.

⁵Hichun aman ikhat mu akinemin lung lut tah-in avetan ahi.

⁶Ahin, Peter'in, Dangka sana kaneipoi; ahivangin kaneisun penge: Nazareth Jesu Christa minin thoudoh-in lang lam jottan, ati.

⁷Chuin aman akhut jetnin amanin, akai dingin ahile, chupettah chun akengphang le a-ah khomit guho ahatdohtai.

⁸Hichun amapa chu akichomin adingin, lam ajotnin, amani chutoh houin'ah alutnin; avahlen, akichom akichomin, Pathen avahchoijin ahi.

⁹Chuin mi jousen avalea Pathen avahchoi chu amuvin;

¹⁰Chule houin Kotkhah hoi phunga touva khut dopa chu ahi aheuvin; chule achunga thil soh chu kidangle datmo um asa lheh jengun ahi.

¹¹Chuin elbai akidamsah pan Peter le John atuhpet chun, miho jouse chun kidang asa behseh-un, Solomon kempum atiuva chun ahenguva ahung lhai khomun ahi.

¹²Chuin hichu Peter'in amu phatnin miho chu adonbutnin, Vo nangho Israel mite, ibola hichepa chunga hi kidang sa-a nahiuvem? Ole keihon keiho thahat le houdih vanga ama hi lam kajotsah theijuva nangaitouva, neivet vet jenguham?

¹³ Abraham, Isaac, Jacob Pathen, ipu ipateu Pathen'in achapa Jesu chu achoi-at ahi; ama chu nanghon napedoh-un, Pilate angsung tah-a aman lhadoh dinga agotsan jongin napedoh jengui.

¹⁴ Ahi, nanghon Athengpa le Chondihpa chu naleh doh-un, tolthat joh chu nalhadoh pehna dingun nathumun,

¹⁵Hinna Bulpi chu nathat taove; ahinla ama chu Pathen'in athiho lah-a konin akaithou kittan; ahetoh keiho hi kahiuve.

¹⁶Chule ama min tahsan vanga amin chun nanghon nahet jingule namu jingu hichepa hi ahatsah ahitai: ahi, Ama-a kona tahsan chun hichepa hi nangho jouse mitmu-a adamsah hel ahitai.

¹⁷Chule tun, sopite, hichu nahetlou jeh uva nangho le navaipo pipuhovin nabolu ahi kahei.

¹⁸Ahivangin Pathen'in athemgaoho jouse kama aseisah, Christa chun gim genthei athoh ding ahi, ati chu hitia hi aguilhunsah ahibouve.

¹⁹Hijeh chun nachonset nao chulmanga aum theina dingin nalung heijun, hung kilehei kitnun, chutile Pakai anga konin haldohna kiledohna phat chu hung lhung theijin tin;

²⁰Chule naheng uva aphondohsa Christa Jesu chu naheng uva ahinsol thei ding ahi.

²¹Amavang imajouse akiledohsah kit phat kahse-a chu, van'in ama chu alahlut tahdi ding mong thu ahi; hiche thuhi Pathen'in atil abula patna athemgao thengho kama ahin seisahpeh ahi.

²² Mosi'n apu apateu jah-a, Pakai Pathen'in keima eitundoh banga hi, nangho dinga nasopiteu lah-a khat themgaova atundoh ding ahi; ama chun najah uva thu asei jouse chu nangai dingu ahi.

²³ Chule hiti ding ahi, koi hijongle chuche themgao thusei ngailou lou chu miho lah-a kona kisumanghel ding ahi, ati.

²⁴Ahi, themgaoho jousen, Samuel'a pat anunga abanjom chengsen jong, thusei jousen tulai thusoh umchan ding hi anasei masatnu ahi.

²⁵ Nangho themgaoho le Pathen'in napu napateu atepna thutep chate chu nahiuve, Pathen'in Abraham jah-a, Nangma chilhah-a kona vannoi leiset phung jouse phatthei chang ding ahi, tia atep chu.

²⁶Pathen'in achapa Jesu chu akaithouvin, nagitlou nao chengseova kona lehei dingle, phatthei chansah dingin, nangho henga ahinsol masapenin ahi, ati.