Read Thado Chin Rome 12 Bible Online

Rome 12 - Thado Chin bible

Rome 12

¹Chuti ahi jeh chun, sopite, Pathen lungset vang hin natipum piu chu longlhen thengtah gan kihinglha bangin Pathen lah thei doltah-in Pathen'ah kipeuvin tia kangeh nahiuve, hichu natoh dinguva kilom tah chu ahi.

²Chule nangho tulai vannoi leiset chon hin chon hih-un; Pathen lungdeilam, hichu apha, lah theile phat chamkim hi ipi ahi nahetdoh theina dingun, lung thah keng-unlang lim chom puvin.

³Hijeh chun eipeh lungsetna vang hin nalah uva mi chengse jah-a kasei ahi, agel dingdol kalvalin koiman kalena ti gel hihhen, amavang Pathen'in apeh kham kham tahsanna dungjuijin kituptah-in ngaito henlang lung geltohhen.

⁴ Tipum khatnah tibah tamtah ineijui, tibah jouse thakhat ahipoi, apanna akibangpon ahi.

⁵Hibang chun eiho jong tamtah ihiuvin, Christa-a ti khat ihiuve; khat chu khat tibah ihi cheh-un ahi.

⁶ Lungsetna eipeh bang cheh-un eithil peh-u achom cheh ineijun ahi. Thusei phongna apehpan atahsan dungjuijin seihen;

⁷Sottola pang chu sottolin umhen; mihil chun mihil lamah;

⁸Mitilkhou chun mitilkhouna lamah kipehen; thil homan it louhelin homhen; vaipo-a pang chun gunchu tah-in vai pohen; milungsetnan kipahtah-in lungset hen.

⁹Ngailutna alem beihel hihen. Ase lam thet bolunlang apha chu kolchah jingun.

¹⁰Kisopi ngailutna lamah kideito kisato cheh-in umun; kiginle kijana lamah amasajo ding kichu-uvin;

¹¹Gunchuna lamah thase hih-un; lhagao lamah al jingun; Pakai lhachan pangun;

¹²Kinepna-ah thanomun; genthei hesohna-a thohhatnun; taona lamah pontho jingun;

¹³Mithengho lhahsam huna-in kithopiuvin; jindot themun.

¹⁴ Nabolseteu chu phatthei boh-un; samse louvin phatthei bohjouvin.

¹⁵Kipah thanomte chu kipa thanop piuvin; akapte chu kapiuvin.

¹⁶ Kitohdelin lungkhat nin chon cheh-un. Letna lam lung gel louvin aneo neotoh kiloijun. Nangma chang kichihsah hih-in.

¹⁷Mi setna chu setna-in thuh hih-un; mi jouse mitvetna apha chu bol ding gojouvin.

¹⁸Chule ahi theija ahile, najochanun, mi jousetoh kihoutheijun kichamdelin umun.

¹⁹ Vo deitahte, kiphulah hih-un, Pathen lunghanna chu otdoh jovin; ajeh chu Pakaiyin, Phulah chu keima kinbou ahi, keiman lethuh nange, ati, tin akisune.

²⁰ Ahin, namelmao chu agil akela ahile, an nehsah-un; adang achahle twi donsah-un; chuti bolleu chun alu chunga mei-am setkhompeh nahi dingu ahi.

²¹Setna kijosah hihhelun, setna chu phatna-in joujovin.