Read Thado Chin Rome 15 Bible Online

Rome 15 - Thado Chin bible

Rome 15

¹Chuti ahin eiho ahat cheng hin eima lunglhaina hol louva, ahatmote hatmona chu ipohhu joh dingu ahi.

²Eiho khat cheh-in iheng ikoma houthu lama khantousahna dinga aphatna dingu ngaito-a, lunglhaisah ding ahi.

³ Ajeh chu Christa jeng jong ama kilunglhai lou ahi; ahin, Nahouse hon nahouset nao chu keima chungah achutai, tia kisun bangjoh chu ahibouve.

⁴Ajeh chu nidang laija thu kisun chengse chu, lekha kisun Pathen thua kona thohhat le lungmonna imuva kinepna inei theina dinguva, eiho kihilna dinga kisun ahi.

⁵Thohhat le lungmon kona Pathen'in, Christa lunglam doltah-in khatle khat lungkhat naputsah cheh-uhen;

⁶Chutia chu nanghon lungkhat le kam khatna I-Pakaiyu Jesu Christa Pa Pathen nachoi-at theina dingun.

⁷Hichena ding chun Pathen loupi choi-atna dinga Christan nangho nalah bangu chun, khatle khat kilatouvin.

⁸Ijeh-inem itile keiman hiche kisei hi, Iputeu ipateu athutep chu phutdet dingle Pathen lungset jala chidang namdang ten Pathen achoi-at theina dinguva, Pathen thu adih chu hetsah dinga, Jesu Christa chu cheptanho lhacha-a hung panga ahitai.

⁹ Hiti jong hin akisune, Hiche jeh chun keiman chidang namgdangte lah-a Nangma kipah-in phonging ting, Chule nangma minin la jong sange.

¹⁰ Hitin ati kitleuve, Vo chidang namdangte, amitetoh kipah thanom khomun.

¹¹ Chukitle, Vo chidang namdangte, nabonchaovin Pakai chu vahchoijun, Chule mi jousen ama vahchoi uhen, ati.

¹² Chule Isaiah'in jong, Jesse jung chu umding ahin, Chule chidang namdangte chunga vaipo dinga hung sohdoh ding ahi; Ama chu chidang namdang ten kinepna-a anei dingu ahi, ati.

¹³Lhagao Theng thahat vanga kinepna nanei letset theina dingun, kinepna Pathen'in natahsan naochu kipa thanop le chamna lungmon na-in dip letset tahen.

¹⁴Kasopite ho, nangho chungchang thua chun, nangmahotah phatna dimset le hetna bukip sohkei nahiuvin, khatle khat kitilkhouto thei nahiuve, ti keimatah-in kahetchen ahi.

¹⁵Ahivangin Sopite, chidang namdangte lah-a Christa Jesu lhacha-a kapan theina dinga Pathen'in eipeh lungsetna vanga hi nangho geldohsahna dinga, akah lahlah-a hakat cheh-a naheng uva kahinsut ahi.

¹⁶Chutia chu chidang namdangte dinga Jesu Christa lhacha kahia; chidang namdangte kilhaina chu lahthei ahia, Lhagao Theng suhtheng ahina dinguva, Pathen Thupha lhacha-a kapan ahi.

¹⁷Hijeh chun tun Pathen dinga natohna lama hin Christa Jesu'ah kisonna kaneije.

¹⁸Ajeh chu chidang namdangte Pathen thua nunsahna dinga Christan keima eimanchah-a, thu le natoh-a abol chengse tailou chu imadang kasei ngam poi;

¹⁹Hichu Pathen Lhagao thahat na-a melchihna thaneitah le thilbol kidanga kon ahi; hitichun Jerusalem le akimvela kipat Ilyricum geijin Christa Thupha kaphongjal tan ahi.

²⁰Ahi, hijeh-a chu Christa min kiphah poh louna mun'a kipana thupha lhangsap dinghi kalungtup ahi, achuti loule midang bulphusa chunga insa kahi khah ding ahi:

²¹ Ahin Ama thudol kiseipoh khah lounate chun amu dingu: chule ajakhalou ten ahet dingu ahi, tia kisun bang ahi nading joh ahi.

²² Hiche jehtah-a jong chu hijatvei naheng uva kahung dinga kon, hiche chun eisuhmo jingji ahi.

²³Tu vangin hiche gamkai sungah kanatohna ding mun aumtapoi; kum sotna patna nangho henga hung ding kagot jingma ahin,

²⁴Spain gam lama kache phat phatle naheng uva kahung ding ahi. Ajehchu nangho mupa ding kakinemin, chule amasan nang hotoh chomkhat kivop khom ingting, chule kache teng jongle nanghon neihung thahleu chun kati.

²⁵ Tu vang hin mithengte gahu dinga Jerusalem'a chetadi ding kahi.

²⁶Ajeh chu Macedonia le Achaia gama mihon Jerusalem'a um mithengte lah-a migenthei vaichaho huna-a sumto ding aphasah uvin ahi.

²⁷ Ahi, pha asah tahbeh-u ahin, chule abatnu jong hija ahi; ajeh chu lhagao lama chidang namdangte akikop piuva ahile, leiset thil lama jong amahon abatnu ahin, ahu dingdol mongu ahi.

²⁸Chuche jeh chun chuche kin chu kachai tengle asumdonu chu phatecha kapehdoh joule, nangho kom hinjot pangting Spain gam lama kachepai peh ding ahi.

²⁹Chule naheng uva kahung tengle chun, Christa Kipana thupha-a kon phattheina chamkim keija hinpo-a hung ding kahi, ti kahei.

³⁰Sopite, Juda gama cheng sei ngailouho khutna kona kahoi theija, Jerusalem'a kin neija kachena hi,

³¹Mithengten analah theina dingun, chule Pathen phatsah-a kipahtah-a nangho heng lama kahunga nang hotoh kakicholdo theina dingin,

³²Pathen henga taona-a hahun neihuvin tia Pakai Jesu Christa le Lhagao Thengin eipeh-u ngailutna vanga, nangho kahin ngeh nahiuve.

³³Chamnale lungmon kona Pathen'in nabonchaovin umpiuvin. Amen.