Read Thado Chin Rome 8 Bible Online

Rome 8 - Thado Chin bible

Rome 8

¹Hitichun tuvangin, Christa Jesu'a umho, tahsa thua chonlouva lhagao thua chonho dinga themmo channa himhim umlou ahitai.

²Ijeh ham itile Christa Jesu'a um hinna Lhagao danthu chun chonsetle, thina danthua kona eilhatdoh-a onga kahitai.

³Ajeh chu tahsaphen asuh hatmo jeh-a danthun abol joulou chu, Pathen'in Achapa chu chonset jeh-a chonset po tahsaphe lim pu-a ahinsola; tahsaphe-a chonsetna chu themmo achan ahitan,

⁴Hichu tahsaphe lam hilouva Lhagao lama chon eiho chunga, danthun angeh chonphatna chu aguilhun theina ding ahi.

⁵Ajeh iham itile tahsaphe lam dana chonteho chun tahsaphe lam thudol agelun; Lhagao lam dana chonho chun Lhagao lam thudol bou agelun ahi.

⁶Tahsa lam lunggel chu thina ahin, Lhagao lam lunggel chu hinna le lungmonna ahi.

⁷Ajeh chu tahsa lam lunggel chu Pathen toh kidou ahi; ajehchu Pathen danthu noija um ahipon, umjong umthei louding ahi.

⁸Hijeh chun tahsa lama chonho chun Pathen alunglhai theipouve.

⁹Pathen Lhagao nasunguva achen vangle, tahsa lama chon hilouva Lhagao lama chon nahiu ahi. Christa Lhagao neilou vang chu Christa-a ahipoi.

¹⁰Chule Christa chu nangho sunga auma ahile, chonset vanga tahsa chu athia ahin, lhagao vang chu chonphat vanga hinna ahi.

¹¹ Chule athi lah-a kona Jesu kaithoupa Lhagao chu nangho sunga achenle, Christa Jesu mithi lah-a kona kaithoupa tah chun nangho sunga cheng ama lhagao vanga chu, natahsao thi thei jong chu ahinsah ding ahi.

¹²Hijeh chun, sopite, eihon bat ineijuve, amavang tahsa henga, tahsa lama chonna dinga neija ihipouve.

¹³Ajeh chu nangho tahsa lam dana nachonule, iti jongle nathi tei dingu ahi; Lhagaova tahsa natoh chengse chu natha vangule, nahin dingu ahi.

¹⁴Ajeh chu Pathen Lhagao kaihoija umho chengse chu, Pathen chate ahiuve.

¹⁵ Ajeh iham itile kichat kitna dinga sohchana lhagao hilouva, cha hina lhagao changjoh nahibouvui; hiche lhagao vanga chu, Abba, Hepa, tia ikoujiu ahi.

¹⁶Lhagao chun amatah-in eiho lhagaotoh kitho-a Pathen chate ihiu eihetsah-u ahi.

¹⁷ Chule chate ihiule gou lo ding ihiuvin, Pathen gou lo ding, chule Christa toh lo khom ding ihiuve; amatoh ithoh khomule, amatoh choi-atna iumkhom dingu ahi.

¹⁸Tulaija ithohnao hi khonunga ichan dingu loupina hung kilang ding chutoh kikot hoi themin kangaito poi.

¹⁹Thilsem chengse kinem ngui nguitah-a Pathen chate hung kilah ding chu angalel lheh jengu ahi.

²⁰ Ijeh ham itile thilsem chengse ahomkeo thu noija aumu hi ama chama um ahipoi, kinepna-a aumsahpa thusah-a um ahibouvui.

²¹Ajeh chu thilsem chengse hin amahotah jong kemthei soh-a auma kona lhadoh-a aumuva, Pathen chate loupitah-a noma alenaova chu alut diu ahi.

²²Ahin tugei hin thilsem jouse naosonat thoh banga gim thoh-a peng penga umkhom ahi ti iheuve.

²³ Amaho jengseh ahipoi, Lhagao ga masa changa eihotah jeng jong, cha hina, itahsao lhatdoh-a umding chu ngah jinga, ilung sungu peng penga um ihiuve.

²⁴Ajeh chu kinepna in eihuhhingu ahin; ahinla mu-a kinep chu kinep ahipoi; ajehchu mihemin amusa chu ipi dinga akineppi nahlai ding ham?

²⁵Mu louva kinem ihiu vangle, lungdet tah-a ngah jinga ihiuve.

²⁶Chutichun Lhagao jongin ihatmonauvah eikaihoijun eihu jingjiuve; ajeh chu eihon adol lamtah-a ipi-a dinga itao diuham ihepouve; ahivangin Lhagaovin eiho dingin seidoh thei louvin peng pengin eitaopeh jiuve.

²⁷Chule Pathen lunglam doltah-a mithengte dinga ataopeh jeh chun, lungthimgil kholtoh-a Pathen chun Lhagao lunglam chu ahejin ahi.

²⁸Ahin Pathen ngailuho chengse, ama lunggot lam doltah-a kikouho ding vang chun, thiljouse hin aphat nadingu atongkhom sohkeije, ti chu iheuve.

²⁹Ijeh ham itile sopihon tamtah lah-a Pathen Chapa chu apeng masapen ahina dinga, Pathen'in ahet masah ho chu Achapa lim banga agot masahsa ahitai;

³⁰Chule agot masahsaho chu kou jong akou ahi; chule akouho chu them jong achansah ahitai: chule them achansahho chu choi jong achoi-at ahitai.

³¹Chuti ahile hicheng thua hi ipi isei dingu ham? Pathen eiho lama apanle, koiham eidou thei dinguva?

³²Achapa khen louhela eiho jouse dinga pedoh jengpa chun, eiho lungset mana ama chutoh thakhatna ijakai eipeh khom lou dingu ham?

³³Pathen lhenchomteho chu koiham ahehse dinga? Them chansah-a Pathen ahibouve.

³⁴Themmo chansah-a koiham? Athia, achungchon cheh-a athi lah-a kona kaithouva um Christa chu ahi; ama Pathen jet lama atouvin eiho dingin eitaopeh jinguve.

³⁵Christa ngailutna-a kona koiham eikhen dinguva? Hesoh gentheile, lungdonna, bolsetna, gilkel, pon beija um, settona, chemjam, hicheng chun eikhen thei dingham?

³⁶ Hiche dol jong hi akisune, Keiho nangma jeh-in nilhum keijin eikithat jingui; Tha dinga kigo kelngoi bangin eikisim taove.

³⁷Ahinla eingailupau vangin hicheng thua hin eiho galjou sanga galjou ihiuve.

³⁸Ajeh chu I-Pakaiyu Christa Jesu'a um Pathen ngailutna kon chun thina ahin, hinna ahin, vantil ahin, vaipo pipu ahin, thuneina ahin, tulai thudol le khonung ding thu ahin,

³⁹Chungsang ahin, noilam thuhtah hijongle, thilsem adang imachan eikhen thei lou dingu ahi, tia dettah-a katahsan ahitai.