Read Thado Chin 1 Corinth 12 Bible Online

1 Corinth 12 - Thado Chin bible

1 Corinth 12

¹Chule, sopite, lhagaolam thilpeh thuho chu nahet lou dingu kanompoi.

²Chidang namdang nahi laiju chun, puilea naumna chanuva milim pao theilou anga chu puimanga na-umjiu ahin, hichu naheuve.

³Hiche jeh chun nangho kahetsah nahiuve, Pathen Lhagao thuseija chun koiman Jesu chu sapset chang ahi, atipoi, chule Lhagao Thenga kon louvin, koiman, Jesu chu Pakai, ati theipoi.

⁴ Thilpeh chan gotchom chom tamtah ahi, ahivangin Lhagao khatsehbou ahi;

⁵Chule lhacha gotchom chom tamtah ahin, ahivangin Pakai khatsehbou ahi;

⁶Chule natoh gotchom chom aumin, ahivangin ijakaija ijakai bola chu Pathen khat jengbou ahi.

⁷Ahivangin mijousen aphattoupina dinga, mi khatcheh chu Lhagao phondohna khat cheh kipe-a ahi.

⁸Ijeh-inem itile Lhagaova kona mikhat chu chihna thu kipe-a, chuche Lhagao mama-a chu khat hetnanei thu kipe-a ahi;

⁹hiche Lhagaoma-a chu khat tahsan kipe-a; chule chuche Lhagaoma-a chu achom khat mi damsah theina thilpeh kipe-a;

¹⁰Achom khat bolmo kidang bol theina kipe-a; chule achom khat lhagao thusei dohna; chule achom khat Lhagaoho hetkhen theina; chule achom dang khat paotin paotang tho theina; chule achom dang khat pao ledoh theina kipe-a ahi.

¹¹Ahivangin hicheng na kitong jouse chu, Lhagao khatmama chun abolsah ahi; aman ama lunglam dola achom choma miho khat khatna ahoppeh cheh ahi.

¹² Tipum khatseh ahin, tibah tamtah ahi, tipum khatna tibah tamtah aum vangin, tipum khatbou ahi; Christa jong chutobang ahi.

¹³Ajeh chu eiho Juda mi ahin, Greek mi hijongle, soh hihen, chamlhat hi jongle, ibon chaova tipum khat ihi theina dinguva, ibon chaova tahsapum khat sunga umdinga Lhagao khatna iki baptize-u ahi; chule ibon chaova Lhagao khat eiki don khom sah-u ahitai.

¹⁴Ajehchu tipum hi ti khatseh ahipoi, bah tamtah ahi.

¹⁵Kengphang hin, Keima khut kahi lou jeh-in tipuma kahipoi, tile hiche jeh-a chu tipuma hida dingham?

¹⁶Chule bilkol jong hin, Keima mit kahi lou jeh-in tipuma kahipoi, tile hiche jeh-a chu tipuma hida ding ham?

¹⁷Tipumpi abonchan mit hisohkei tale, hoija khojahna umta dingham? Tipumpi khojahna hisohkeile hoija gimnam jahna umta dingham?

¹⁸Ahinla Pathen'in tibah chengse hi, alung deilam cheh-a tipuma akoi ahi.

¹⁹Chule aboncha hin tibah khatseh hitale, tipum hoija umtantem?

²⁰Tun vang tibah tamtah, ahivangin tipum khatsehbou ahi.

²¹Chule mit hin khut jah-a, Imacha kangaichatna na-umpoi, ti theilou ahi; luchangin jong kengteni jah-a, Imacha kangaichatna naum lhonpoi, ti thei lou ahi.

²²Titah sangin, tibah hatmoa kigel chengse hi, akhohpena pang cheh ahi.

²³Chule nahsahmo-a igelu tibah ho chengse hi gamchengin ijabolun; chule itibah hoilouho chengse hi gamchengin ahoijoji tai.

²⁴Chule itibah hoiho chengseu hin hicheng chu angaipoi, ahinla Pathen'in tipum hi asuhto khoma alhing lou alhasama chu gamchenga jabola aumsah ahi;

²⁵Hitia chu tipum sunga hi akitumkhen um louhela, kitumkhen tah sanga tibah ho chengse hi thakhat tah-a akikhohsah to sohkei dingjoh ahi.

²⁶Chutia chu tibah khatnin athohgima ahile, tibah dang chengsen jong athoh gimpi jiu ahi; chule tibah khat choi-at achanle, tibah dang chengsen akipapi jiu ahi.

²⁷Nangho Christa tipum nahiuvin, mi khat khat chu atibah khat cheh nahiuve.

²⁸Chule Pathen'in houbung-ah amasatah-a solchah ho, anina themgaoho, athumna thuhil ho, abana bolmo kidang bolthei, chua mi damsah theina thilpeh, kithopina, vaipohna, chule paochom paochom thona apeh ahi.

²⁹Aboncha solchah hiuvam? Aboncha themgao hiuvam? Aboncha thuhil hiuvam? Aboncha bolmo kidang bola hiuvam?

³⁰Abonchauva midamsah thilpeh chang hiuvam? Abonchauva paochom tho hiuvam? Abonchauva pao hilchena pang uvam?

³¹Ahin thilpeh pha chungnung deho chana dingin kihabolun. Chule akalvala pha chungnung lampi kavetsah ding nahiuve.