Read Thado Chin 1 Corinth 16 Bible Online

1 Corinth 16 - Thado Chin bible

1 Corinth 16

¹ Chule mithengte dinga tolom thudol vang chu, Galatia houbung ho thu kapeh bang chun, nanghon jong bolun.

²Chule kahung teng tolom donna aumlouna dingin, hapta nimasa ni leh Pathen'in phatthei aboh dungjuijin, amitakipmin atojoukham chehi-in dong khomun, anakhol khomun.

³Keima kahung phatle, koihijeng jongle pha nasah penpenu chu nathilpeh hou gathah dingin, nalekha thot utoh Jerusalem'ah solnange.

⁴Keima chea alom jongle, amaho chu keitoh lhonnao vinge.

⁵ Chule Macedonia kachotsoh phatle, naheng uva hung ding kahi; ajeh chu Macedonia gam chonle ding kigo-a kahi.

⁶Kachena channa neithah le thei na diuva naheng uva phat chomkhat kacham ding, ijem itile phalbi sungse-a bon kacham den ding ahi.

⁷Tu chunga palama kimuto kanompoi; Pakai phatsah ahile, nangho koma chomkhat chamleng ti kakineme.

⁸ Ahivangin Pentecost geijin Ephesia kho-a hin chaming kate.

⁹ Ajeh chu kadingin kot lentah toh machal theina tah akihonge, chule eidouva atame.

¹⁰ Chule Timothy chu ahunga ahile, kicha louhela nalah uva aum theina ding ana ngaito uvin; ajeh chu ama keima toh bang banga Pakai na tonga ahi;

¹¹Hijeh chun koiman nahsahmon bol hihhen. Kaheng ahung lhun theina dingin, achena-a lungmonga avalena dingin thahleuvin; ijeh-inem itile sopite toh ahungna ding lam kat jinga um kahiuve.

¹²Chule sopi Apollos thu vang chu, sopite toh kilhona naheng uva hung dinga katem jing ahi; ahin tupettah-a hung ding vang anompoi, ahivangin ahung thei phat phatle hung ding ahi.

¹³Kihongun, tahsanna-a dingdet jingun, pasal pha bangtah-in pangun hatnun.

¹⁴Nabol jouseu chu ngailutna-a kibol hihen.

¹⁵ Sopiteho, Stephanas inkote sung hi Achaia gama Pathen thua ga masapen ahiuvin, mithengte jennan akipeuvin ahi, ti naheuve;

¹⁶Nangho jong hitobangho le keiho natoh huna-a tong gimho chengse thu noija umun, tia naheng uva katao ahi.

¹⁷Stephanas, Fortunatus, chule Achaicus teho hilama ahungu hi kakipah lheh jenge; ajeh chu amahon nangho lhinlelna chu asubulhit taovin ahi.

¹⁸Amahon keima lung jong, nangho lung jong akidosah ahi. Hitobang mite hi hethemuvin.

¹⁹ Asia gama houbung hon salam naboh-ui, Aquila le Priscilla le a-in lhona kikhom chengsen Pakaiya salam tamtah naboh-uve.

²⁰Sopite jousen Salam naboh-uve. Kichop thengin khat le khat kisalam to cheh-un.

²¹Kasalam bohna hiche hi keima Paul'in kakhut tah-a kasut ahi.

²²Khattou Pakai Jesu Christa ngailu lou aumle, ama chu Anathema [1] hihen, Maranatha [2].

²³Pakai Jesu Christa lungsetna chun umpiuvin.

²⁴Jesu Christa-a kangailut nao chu nabon chaova chunga umhen. Amen.