Read Thado Chin 2 Corinth 3 Bible Online

2 Corinth 3 - Thado Chin bible

2 Corinth 3

¹Keiho kiseipha pan kit kahiuvem? Ahiloule midangho banga, nangho henga ahim, nangho-a kon ahima, seiphatna lekha ngaija kahiuvem?

²Nanghotah chu kalung sunguva kisun kalekha thotnu, mi jouse het le sim nahiu ahi;

³ Nangho Christa lekha thot nahiuve, keiho lhacha natoh-a kon; lekha twija kisun hilouva, Pathen hing Lhagaova kisun; songphenga hilouva, lungthim tahsa phenga kisunjoh nahiuve ti kichentah-in akilange.

⁴Chule Christa vanga Pathen lama hitobang tahsan hi kaneiju ahi.

⁵Hichehi keiho-a kona ahi ti dingin keiho chang kalhingjou pouve, kabulhinnao hi Pathen'a kon ahibouve;

⁶ Amatah-in kitepna thah lhachale-a eibulhin sah-u ahi; lekhajem'a hilouvin lhagao kitepna lhachajoh ahi. Ajehchu lekha jem chun athatjin, lhagao vang chun ahinsahji ahi.

⁷ Ahin thina lhacha-a panna, songa kikhena kisun jengbon chubang tah-a chu aloupi-a, avah kemsuhsuh ding Mosi mai chu avahpempum jeh-a Israel chatehon hoitah-a avet thei lou uva ahileh;

⁸Achutile Lhagao lhacha natoh chu iti haloupi johcheh louding ham?

⁹Ijeh-inem itile themmo channa lhacha natoh bon aloupi-a ahile, chonphatna lhacha natoh chu nasajo cheh-a loupia ahi.

¹⁰Ijeh-inem itile loupi kisa-a chu loupina nasajo chun akhokheltah jeh chun, hichea hin loupina aneitapon ahi.

¹¹Amang theija bon chutia aloupi-a ahile, imatih chana umjing ding chu gamchenga loupijo cheh ahi.

¹²Chutobang kinepna kanei jeh uva, hakat tah-a thu kaseijiu ahi.

¹³ Akemsuhsuh chu Israel chaten avet lhumkei louna dinguva ponlu kikhua, Mosi tobang chu kahipouve;

¹⁴Ahinla amaho chu alungu atahjo chehtan ahi: ajeh chu tulai gei jong hin Kitepna lui chu asimlai chanun chuche ponlukhuh chu hodoh louvin aumjing nalaije; ajehchu hiche ponlukhuh chu Christa-a lahdoh-a uma ahitai.

¹⁵Ahin tuni gei hin Mosi lekhabu asimlai chanun, alunguva chuche ponlukhuh chu aum jinge.

¹⁶Ahivangin mihem khat chu Pakai heng lama akihei teng, aponlukhu chu kilamangji ahi.

¹⁷Tun Pakai chu Lhagao ahi; chule Pakai Lhagao umna chana chu, chamlhatna uma ahi.

¹⁸Eiho chengse vang, maikhu louva phatvet sunga kive-a banga, Pakai loupina chu ivet jinguva, Pakai Lhagaova kon, loupina-a kona loupina lima kikhela ihiuve.