Read Thado Chin Ephesia 3 Bible Online

Ephesia 3 - Thado Chin bible

Ephesia 3

¹Hiche jeh-a chu chidang namdang hija nangho, nangho dinga keima Paul Christa Jesu sohchang hi,

²nangho dinga Pathen lungset eikichinsah ahia,

³thu kilah-a kona athugil chengse keima eikihetsah chu najahsao ahitan, (hiche banga chu chunga paltana kahinsut ahi;

⁴ Nanghon hichu simleu chun Christa thugil kahetje dan hi heuvin nate);

⁵Tu-a solchah thenghole athemgaoho henga Lhagaova kona akiphondoh banga hi, malaija mihem chate henga chu ana kihetsah lou ahi;

⁶Hiche thugil chu Kipana Thupha vanga chidang namdangho, Christa goulo khompiho, tahsaphe-a kihoppi thutep chan khompi ahiuvin,

⁷Athilbol theina-a anatoh dungjuitah-a, man beija Pathen lungsetna eikipeh bangtah-a, Kipana Thupha lhacha-a pang kahi.

⁸Holdoh hoi hilou Christa haona chu chidang namdang ho henga seiphongle dinga, mithengte lah-a alhumpen sanga jong neojo keima hiche lungsetna hi eikipea ahitai.

⁹Jesu Christa jala thil jouse sema Pathen na, leiset semtila patna kisella um thuguh chu mijouse musah dinga,

¹⁰Pathen chihna jat chom chomhi van munho pipule thuneina neiho, tu-a houbung'a kona hetsahna dinga,

¹¹I-Pakaiyu Christa Jesu'a tonsotna dinga angaitoa aphudet dungjuija chu,

¹²eihon ama itahsan vanguva ama-a chu lung ngama, chule ginchat neitah-a lut theina thu aneiju ahitai.

¹³Hiche jeh-a chu hiche hi kataona ahi, nangho dinga kagenthei kahesohna jouse jal hin lungthoi hih-un kati ahi: hichu naloupi nao ahi.

¹⁴Hiche jeh-a chu van'a le leija um phungtin-in, Pa-a kona kiminvona aneiju,

¹⁵hiche I-Pakaiyu Jesu Christa Pa anga chu dilsua, hichenga hi taojia kahi.

¹⁶Aman loupina ahao dungjuija, Alhagaova athahat athilbol theina-a mi sungnung chu ahatsah-a,

¹⁷chule tahsan vanga Christa chu nangho lung sunga achensah theija, nangho ngailutna-a najungkhova nabul neijuva,

¹⁸chule mithengte jousetoh ajaojele asaoje asanje, athuhje, nahettoh theina dinguva,

¹⁹hetphahhoi hilou Christa ngailutna chu nahet theijuva, Pathen chamkimna jouse-a nangho nachamkim theina dingu ahi, kati.

²⁰Chutihen lang athahat thilbol thei eihoa natongjia chun, athahat athilbol theina dungjuija, ithumule ilung ngaito jouseu sanga nasajo-a abol theina dingin,

²¹houbung'a le Christa Jesu'a atonsot atonsotnin akhang akhangin loupin umjing hen. Amen.