Read Thado Chin 1 Thessalonica 3 Bible Online

1 Thessalonica 3 - Thado Chin bible

1 Thessalonica 3

¹ Hiche jeh-a chu kathoh jou loutah phatnuva, Athen kho-a kachanga eikida lhah pha kasa taovin ahi;

²hiche hesoh thoh jeh-a chu koima alunglao naum louna dinguva, nangho phutdet dingle tahsan thu lama nalungmon sah dinguva, Christa Thupha lama Pathen lhacha le isopiu chule itoh khompiu Timothy naheng uva kahinsolu ahi.

³Ajeh chu hesoh thoh dinga pang kahiuve, hichu nanghon nahenaove.

⁴Hesoh thoh ding ihiuve, tia masanga nangho koma kaum laijuva kaseisao ahi; chujouvin kati bang chun asohtan ahi, chule hichu nanghon naheuvin ahi.

⁵Hiche jehtah chun keiman jong kathoh theilou phatna, ajole lhem chun nangho lhemlha taleu chun katohgim nau moh hikhante, tia hiche jeh-a chu natahsan jeu chu he dinga kahinsolu ahi.

⁶ Ahin tun Timothy nangho koma konin ahungin, Kipana Thupha, natahsan jeule nangailut jeu, chule nangho mu katup banga nanghon neimu nomu phatecha neigel doh jingu thu ahinpoh phat hin,

⁷sopiteho, nangho tahsan thudola keiho kahesoh genthei naova kalung mongui;

⁸Ajeh chu tu-a nangho Pakaiya na-umdet jingule, keiho ahinga kahitaove.

⁹Ajehchu i-Pathen'u anga nachung uva kakipanao jouse jeh-a hi, nangho chungchanga Pathen itobang tah-a kathang vah dingu hitam?

¹⁰Namaiju kamu theina dingu le natahsan bulhin lounao kasuhbulhit theina dingun, asun ajanin kaha tao dehset jengui.

¹¹Tun i-Pau Pathen'in chule I-Pakaiyu Jesu Christan nangho heng lama eipuijuhen.

¹²Chule nangho kangailut bangu hin, Pakaiyin nangho khatle khat kingailutna le mi jouse ngailutna-a nabelap uhen lang, naletset sah-u hen.

¹³Chutile I-Pakaiyu Jesu Christa amithengte jousetoh ahung tengle, i-Pau Pathen anga nalungthimu thenna lama themona beija aphudet ding ahi.