Read Thado Chin Joshua 12 Bible Online

Joshua 12 - Thado Chin bible

Joshua 12

¹ Tun nisolam Jordan gal langkhat Arnon vapidunga kipat Hermon lhang gei, chule solam phaicham jouse Israel ten asuh manguva atouphao gama lengho chu hitehohi ahiuve.

²Heshbon'a cheng Amor mite lengpa Sihon, Arnon vapidung panga um Aroer'a pat, chule vapidung lailunga pat, Gilead gamsung kehkhatna pat, Ammon chate gamgia um Jabbok vapidung chan geipeh-a anavaihom,

³chule phaichama pat solama Chinnereth twipi geile Phaicham twipi gei Beth-jeshimoth jotna lampia solam chi twipi geipeh chule Ashdoth-pisgah noi lhanglama pat,

⁴Ashtaroth le Edrei'a cheng amoh ho lah-a Amoth Bashan lengpa Og gamsung,

⁵Chule Hermon lhanga Salcah a Bashan gam jouse, Geshur mitele Maachath mite chule Gilead gamgi kehkhat Heshbon lengpa Sihon Gamgi geijin vai anahome.

⁶ Amahochu Pakai soh Mosi le Israel chatehon anatha gamuva, chule Pakai soh Mosi'n Reuben te le Gad te chule Manasseh phung kehkhat-ho lodinga anapeh ahi.

⁷Chule Joshua to Israel chaten Jordan gal hilam lhumlamsanga atha gamu chuche lengho chu ahiuvin, agammu chu Lebanon phaicham Baalgad'apat Halak lhang, Seir geija kikhotou ahi. Hichehi Joshua'n kihop khen dungjuija alodiuva Israelte phungho anapeh gamhochu ahi.

⁸Molsangho le damphai, phaichamle twinah ho-a chule gamthip gamle lhanglam gama Hit miho, Amor miho chule Kanaan miho, Perizz miho, Hiv miho chule Jebus miho gamchu ahi.

⁹Jericho lengpa, khat; Bethel koma um Ai kho lengpa, khat;

¹⁰Jerusalem lengpa, khat; Hebron lengpa, khat;

¹¹Jarmuth lengpa, khat; Lachish lengpa, khat;

¹²Eglon lengpa, khat; Gezer lengpa, khat;

¹³Debir lengpa, khat; Geder lengpa, khat;

¹⁴Hormah lengpa, khat; Arad lengpa, khat;

¹⁵Libnah lengpa, khat; Adullam lengpa, khat;

¹⁶Makkedah lengpa, khat; Bethel lengpa, khat;

¹⁷Tappuah lengpa, khat; Hapher lengpa, khat;

¹⁸Aphek lengpa, khat; Lasharon lengpa, khat;

¹⁹Madon lengpa, khat; Hazor lengpa, khat;

²⁰Shimronmeron lengpa, khat; Achshaph lengpa, khat;

²¹Taanach lengpa, khat; Megiddo lengpa, khat;

²²Kadesh lengpa, khat; Karmel gam Jokneam lengpa, khat;

²³Dor panga Dor lengpa, khat; Gilgal nam miho lengpa, khat;

²⁴Tirzah lengpa, khat; Lengho jouse abonchauvin somthumle khat ahiuve.