Read Thado Chin Joshua 15 Bible Online

Joshua 15 - Thado Chin bible

Joshua 15

¹Chujouvin hichehi Judah phungmi chateho insungho vangsan na-a kona achanu chu ahi. Lhanglam sanga atonungpen Zin gamthip gamgi Edom gamsung geichu ahi.

²Chule noilama agamgi chu chituipi pamchina pat ahin, twipama kona gah suhvetna lhanglam sang chu ahin,

³chule lhanglam ngan Mealeh-acrabbin jonnin akikhosuh-in, Zin lam ajuipeh-in, lhanglam panga Kadesh-barnea geijin akikhotouvin, Hezron jonna achen, Adar geijin achen chule Karkea vella akiheitai.

⁴Chua konin Azmon lam ajonin, Egypt luipi lama akikhotouvin, hichu vapidunga akikholutnin, hichu lhanglam sanga nagamgi ngahna hiding ahi.

⁵Chule solam gamgi chu chi twipi gei ahin, Jordan kichaina gei, chule sahlama gamgi chu twininglut Jordan sodohna chu ahi.

⁶Chule gamgi chu Beth-hoglah'a achetoupeh-in, Beth-arabah sahlama achepeh-in, chule gamgi chu Reuben chapa Bohan songphung geijin akikhotou peh-in,

⁷chule gamgi chu Achor damjolla patna Debir lama akikho toupeh-in, chutimachun sahlama Gilgal lam gahvetna vapidung lhanglam sanga um Adummin jottouna masang chu ahi. Chule gamgi ngahna chu Enshemesh twiho lamsanga akikhopeh-in, chua kona kikhodoh chu Enrogel geipeh ahi.

⁸Chule gamgi chu Hinnom chapa gom'ah akikho touvin, Jabush miho lhanglam gamgi geipehchu agasun, hichu Jerusalem ahi. Chule gamgi chu Hinnom lhumlam gom masanga molvum geipeh chun akikhotouvin, hichu mihat ho umna chunglama damjol monglha sahlama uma ahi.

⁹Chule gamgi chu lhangvuma kona Nephtoah twinah geijah achesah-in Kirjath-jearim kiti Baalah lama chu kikaipeh ahi.

¹⁰Chule gamgi chun Baalah lhumlam sanga patna Seir lhang geija chu agah kolkhum peh-a, Jearim lhang panglam ahopeh, hichu sahlama Chesalon ahin Beth-shemesh'a chesuh-a Timnah geija ajotpeh ahi.

¹¹Chule gamgi chu Ekron pang sahlam sanga kikho-a, chule gamgi chu Shicron geija kikhanga, Baalah mollam ajotpeh-a, Jabneel geija kikho-a, chule akondohna gamgi chu twikhanglen chu hija ahitai.

¹²Chule lhumlam gamgi chu twipilen le apangchingei ahin, hichehi Judah chate insung dungjuija agam hopmu chu ahi.

¹³ Chule Jephunneh chapa Kaleb henga chun, Joshua henga Pakai thupeh dungjuijin Judah chate lah-a chan khat Anak pa khopi Arba Hebron kiti khopi jengjong chu apen ahi.

¹⁴Chuin Kaleb'in Anak chapa thum Sheshai, Ahiman, chule Talmai, Anak chate chu adeldoh-in,

¹⁵chuin ama chua konchun Debir'a chengho henga achetouvin, chule Debir hi masang laijin Kirjath-sepher anakitin ahi.

¹⁶Chuin Kaleb'in Kirjath-espher sumanga, agajou theija chu kachanu Achsah hi ajidinga kapeh ding ahi, ati.

¹⁷Chuin Kaleb sopipa Kenaz chapa Othniel'in hichu alatan, aman achanu Achsah chu ajidingin apetan ahi.

¹⁸Chuin ahitin ahi, aheng agalhun chun apa henga lou thumdingin ajolin ahi. Chuin amanu a-sangan chunga akumlhan, Kaleb'in amanu jah-a, ipi nadeijem? ati.

¹⁹Aman adonbutnin vang neiboh-in, ajehchu nangman lhanglam gam neipetan, twinah neiho neipehthan ati. Chuin aman sahlama twinahhole lhanglam twinahho chu apetai.

²⁰Hichehi Judah chate phung a-insung dungjuija goulo gam ahi.

²¹Chule Judah chate phung khopilenho Edom gamgi lamsanga lhanglam sanga gam monglha penho chu Kabzeel, Eder, Jagur,

²²chule Kinah, Dimonah chule Adadah,

²³chule Kadesh, Hazorle Ithnan,

²⁴Ziph, Telam, Bealot,

²⁵chule Hazor, Hadattah, Kerioth, Hezron, hichu Hazor,

²⁶Amam, Shema le Moladah,

²⁷chule Hazargaddah, Hashmonle Bethpelet,

²⁸chule Hazar-shual, Beer-sheba le Bizjothjah,

²⁹Baalah le Ijim le Azem,

³⁰chule Eltolad le Chesil le Hormah,

³¹chule Ziklag le Madmannaah le Sansannah,

³²chule Lebaoth le Shilhim, A-in le Rimmon khopi lenho jouse chu somni le kole akhodang danghotoh,

³³chule phaichama chun Eshtaol, Zorah le Ashnah,

³⁴chule Zanoah, Engannim, Tappuah le Enam,

³⁵Jarmuth, Adullam, Sokoh le Azekah,

³⁶chule Sharaim chule Adithaim, Gederah chule Gederothaim, khopilen somleli le akho dangdang hotoh,

³⁷Senan, Hasashah le Migdalgad,

³⁸chule Dilean le Mizpeh le Joktheel,

³⁹Lachish, Bozkath le Eglon,

⁴⁰chule Kabbon, Lahmam le Kithlish,

⁴¹chule Gederoth, Bethdagon, Naamah, Makkedah, khopilen somlegup le akho dang dang hotoh,

⁴²Libnah, Ether le Ashan,

⁴³chule Jiphtah le Ashnah le Nezib,

⁴⁴chule Keilah, Achzib le Mareshah khopilen ko le akho dang dang hotoh,

⁴⁵Ekron khopilen le akhodang dang hotoh,

⁴⁶Ekron'a pat twikhanglen chanpeh Ashdod naija umjouse, akhodang dang hotoh,

⁴⁷Ashdod le akhopi hole akhodang danghou, chule akhodang dangho Egypt vapidung le twipilen chule chuche gamgi ngahna changei.

⁴⁸Chule thinglhang gama Shamir le Jattir le Sokoh,

⁴⁹chule Dannah le Kirjath-sannah, Debir kiti jongchu ahi.

⁵⁰Chule Anab le Eshtemoh le Anim,

⁵¹chule Goshen, Holon chule Giloh, khopilen somlekhat le akhodang dang hotoh,

⁵²Arab, Dumah le Eshean,

⁵³chule Janum, Beth-tappuah le Aphekah,

⁵⁴chule Humtah, Kirjath-arba hichu Hebron kiti ahin chule Zior khopi len ko hole akho dang dangho,

⁵⁵Maon, Karmel, Ziph le Juttah,

⁵⁶chule Jezreel le Jokdeam le Zanoah,

⁵⁷Kain, Gibeah, Timnah, khopi somle kho dang dangho,

⁵⁸Halhul, Beth-zur le Gedor,

⁵⁹chule Maarath le Beth-anoth le Eltekon khopilen gupleh khodang dang hotoh,

⁶⁰Kirjath-jearim kiti Kirjath-baal le Rabbah khopilen nile akhodang danghotoh,

⁶¹Gamthip machun Beth-arabah, Middin le Secacah,

⁶²chule Nibshan chule chi khopi Engedi khopilen gup leh khoneo hotoh ahiuve.

⁶³ Jerusalem'a cheng Jebus mite vangchu Judah chaten adeldoh joupouvin, hijeh chun Jebus mite chu tuni geijin Jerusalem'a Judah chate lah-a achenghal jinguvin ahi.