Read Thado Chin Joshua 19 Bible Online

Joshua 19 - Thado Chin bible

Joshua 19

¹Chuin anivei channa vangvetna chu Simeon henga, a-insungu dungjuijin Simeon chate phung dingngei chun ahungdoh-in ahi. Chule agoulo chu Judah chate goulo sunga uma ahi.

² Chule amahon agoulo naova aneiju chu Beersheba ahiloule Sheba le Moladah,

³chule Hazashul, Balah le Azem,

⁴chule Eltolad, Bethul le Hormah,

⁵chule Siklag, Beth-marcaboth le Hazar-susah,

⁶chule Beth-lebaoth, Sharuhen khopilen somlethum le akhoneoho,

⁷Ain, Remmon, Ether le Ashan, khopilen lile khoneoho,

⁸chule lhanglama Baalath-beer, Ramath geijin hiche khopi lenho kimvela khoneoho jouse chu ahi. Hichehi a-insung dungjuija Simeon chate phungho gam lo chu ahi.

⁹Judah chateho chanding lah-a chu Simeon chate goulo uma ahin, ajehchu Judah chate chanchu amaho dinga lenbehseh ahin, hijeh-a chu Simeon chate goulo chu amaho goulo sunga chu aneiju ahi.

¹⁰Chuin a-insungu dungjuijin vangvet thumna chu Zebulun chate chunga achutai. Chule agoulo gamgi chu Sarid chan ahi.

¹¹Chule agamgiu chu twipia Meralah lama akilhung touvin, Dabbashath alhungin, chule Jokneam masanga vapidung chu alhungin ahi.

¹²Chuin Sarid na konin Chisloth-tabor gamsung geijin nisolam sanga akiheijin, chuin Cabarathna achedoh-in Japhia geijin achetouvin ahi.

¹³Chule chua konin solam juijin Gittah-hepher le Ittah-kazin ajotpeh in, chule Remmon-mathoar'a Neah geijin achen,

¹⁴chule agamgi chun Hannathon sahlam akhokhelin, chule akilhungdoh hochu Jiphtah-el phaicham ageijin,

¹⁵chule Kattath, Nahalal, Shimron le Idalah chule Bethlehem khopilen somlenitoh khopineoho ahiuve.

¹⁶Hiche khopilenle akhoneo hohi a-insungu dungjuija Zebulun chate goulo chu ahi.

¹⁷Chuin vangvet alina chu Issachar chunga, a-insungu dungjuijin Issachar chate dingin achutan ahi.

¹⁸Chule agamsung chu Jezreel lamsanga Chesulloth le Shunem,

¹⁹chule Hapharaim, Shihon le Anaharath,

²⁰chule Rabbith, Kishon le Abez,

²¹Chule Remeth, Engannim, En-haddah le Beth-Pazzez,

²²chule agamgi chu Tabor, Shahazimah le Beth-shemesh alhungin, chule agamgi ngahha kilhungdohho chu Jordan ageijin ahi. Khopilen somlegup le akhoneoho chu ahi.

²³Khopihole akhoneoho, a-insungu dungjuija Issachar chate goulo chu hichehi ahi.

²⁴Chuin vangvet a-nga channa chu a-insungu dungjuija Asher chate phung dingin ahungdoh tan ahi.

²⁵Chule agamgi ngahna chu Helkath, Hali, Reten le Achshaph,

²⁶chule Allammalech, Amad, Mishal, lhumlama Karmel le Shihor-libnahth gei ahin,

²⁷chule nisolam sanga Beth-dago na akiheijin, Zebulun alhungin, Jiphthah-el gom Beth-emek le Neiel sahlama achen, veilamsang Cabulla achedoh-in,

²⁸chule Hebron, Rehod, Hammon le Kanah, Zidon len geijin jong,

²⁹chujouvin agamgi chu Ramah-a akiheijin, khopidet Tyre le Hosah'a akiheijin, chule akilhungdoh ho chu Achzib geija konin twikhanglen chan alhunge.

³⁰Ummah jong, Aphek, Rehob, khopilen somnileni toh akhoneoho,

³¹Hiche khopihole akhohohi a-insung dungjuija Asher chate phungin alouchu ahi.

³²Vangvet gupvei channa chu a-insunga dungjuijin Naphtali chate dingin ahungdoh-in ahi.

³³Chuin agamgiu chu Heleph-a kon, Allon, Zaanannim, Adammi-nekeb, Jabneel, Lakum gei ahin, chule akilhungdoh ho chu Jordan geijin aumin ahi.

³⁴Chukitnin agamgiu chu lhumlama Aznoth-tabor lama akiheijin, chua konin Hukkok alhungin, Zebulun lhanglam sang alhungin, chuin Asher lhumlam sanga achen, nisolam Jordan chunga Judah alhungin ahi.

³⁵Chule kul kikhokhum khopiho chu Ziddim, Zer, Hammath, Rakkath Chinnereth,

³⁶chule Adamah, Ramah le Hezor,

³⁷chule Kedesh, Edrei le Enhazor,

³⁸chule Iron le Migdalel, Horam, Beth-anath le Beth-shemesh khopilen somleko le khoneoho,

³⁹hiche khopihole khoneoho a-insung dungjuija Naphtali chate phung goulo chu ahi.

⁴⁰Chuin a-insung dungjuijin vangvetna sagina chu Dan chate dingin ahungdohtan,

⁴¹chule alodingu agamsungu chu Zorah, Eshtaol le Ir-shemesh,

⁴²chule Shaalabbin, Aijalon le Ithlah,

⁴³chule Elon le Thimnathah le Ekron,

⁴⁴chule Eltekeh le Gibbethhon le Baalath,

⁴⁵chule Jehud le Bene-berak le Gathrimmon,

⁴⁶chule Me-jarkon le Rakkon Japho naija gamgi ahi.

⁴⁷ Chule Dan chate gamsung amaho dingin aneobehseh-in hijeh chun Dan chateho Leshem chate sat dingin akonun, chule ajouvun chemjamin athat gamun, chule gamchu alotaovin, achengun, Leshem chu apao min Dan alauvin Dan asah un ahi.

⁴⁸Hichehi akhopihole khoneohotoh a-insung dungjuijin Dan chate phungin gouva alodingu chu ahi.

⁴⁹Amahon gampumpi achanding dolcheh gamgi asekhennuva akihop jouphat un, Israel chaten alah uva Nun chapa Joshua chu agam loding apetaovin, ahi.

⁵⁰Pakai thu dungjuijin aman athum Ephraim molla Timnath-serah geichun apeovin ahi. Chule aman khopilen chu asadoh-in chua chun achengtan ahi.

⁵¹Hiche hohi agamlo dinguva Eleazar thempu le Nun Chapa Joshua, chule Israel chate aphunguva apa teovin, mipi ho houbuh kotpi phung, Pakai masang Siloh mun'a vangvet na-a agamlo dinguva ana hoppeh-u chu ahi. Hitihin amaho gamchu akihom jou taovin ahi.